பிளாஷ்பேக்: எம்ஜிஆர் நடிக்க, கருணாநிதி வசனம் எழுதிய புராண படம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

01 ஏப், 2025 - 11:59 IST

எழுத்தின் அளவு:

எம்ஜிஆரும், கருணாநிதியும் சினிமாவில் இணைந்து பயணித்தபோது புராண படங்களிலும், பக்தி படங்களிலும் பணியாற்றாமல் இருந்தார்கள். ஆனால் எம்ஜிஆர் தனது ஆரம்ப காலத்தில் சில புராண கேரக்டர்களில் நடித்தார். கருணாநிதி வசனம் எழுத எம்ஜிஆர் நடித்த ஒரே புராண படம் 'அபிமன்யூ'.

ஜூபிடர் பிக்சர்ஸ் தயாரித்த இந்த படத்தில் எம்ஜிஆர் அர்ச்சுணனாக நடித்தார். அதாவது அபிமன்யூவின் தந்தை. அவரது கேரக்டர் சிறியதுதான் அபிமன்யூவாக டைட்டில் கேரக்டரில் நடித்தவர் எஸ்.எம்.குமரேசன். ஆனால் இந்த படத்திற்கு பிறகு அவர் பெரிதாக நடிக்கவில்லை. இந்த படத்திற்காக ஏராளமான விருதுகளை பெற்றார். இவர்கள் தவிர யு.ஆர். ஜீவரத்னம், பி.வி. நரசிம்ம பாரதி, மாலதி, எம்.ஆர். சந்தானலட்சுமி, எம்.ஜி. சக்ரபாணி, எம்.என். நம்பியார் மற்றும் எம்.எஸ்.எஸ். பாக்யம் உள்ளிட்ட பலர் நடித்தனர்.

கருணாநிதியும் அவரது வசன குருநாதர் ஏ.எஸ்.ஏ.சாமியும் இணைந்து படத்திற்கு வசனம் எழுதினார். அர்ச்சுணன் மகன் அபிமன்யூ இறந்து கிடக்கும்போது அர்ச்சுணன் 'என் தமிழ் மகனே' என்று அழுத காட்சி சர்ச்சை ஆனது. இந்த படத்தில் கருணாநிதி வசனம் எழுத வாங்கிய சம்பளம் 230 ரூபாய். படம் பெரிய வெற்றி பெற்றது. படத்தை எம். சோமசுந்தரம், ஏ. காசிலிங்கம் ஆகியோர் இயக்கி இருந்தனர்.

Flashback

Abhimanyu

MGR

Karunanidhi

கருத்துகள் (0) கருத்தைப் பதிவு செய்ய

வீர தீர சூரன் 5 நாள் வசூல் முழு விவரம்

அதிரடி காட்டும் விமலின் ஓம் காளி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய