Dinamalar

தனுஷ், சூர்யாவிற்கு ஜோடியாகும் மமிதா பைஜூ

தனுஷ் தற்போது ஹிந்தியில் 'தேரே இஸ்க் மெயின்' படத்தில் நடித்து வருகிறார். இதையடுத்து தமிழில் ‛போர் தொழில்' பட இயக்குனர் விக்னேஷ் ராஜா இயக்கத்தில் புதிய படத்தில் நடிக்கவுள்ளார். இதனை வேல்ஸ் நிறுவனம் தயாரிக்கின்றனர். ஏப்ரல் அல்லது மே துவங்கும் படப்பிடிப்பு என்கிறார்கள். இதில் கதாநாயகியாக நடிக்க பிரேமலு படத்தின் மூலம் பிரபலமான மமிதா பைஜூ ஒப்பந்தம் ஆகியுள்ளதாக கூறப்படுகிறது.

இதுஒருபுறம் இருக்க வாத்தி, லக்கி பாஸ்கர் ஆகிய படங்களை இயக்கிய வெங்கி அட்லூரி இயக்கத்தில் சூர்யா நடிக்கவுள்ளார். இந்தியாவில் முதல் இன்ஜின் எப்படி உருவானது என்பதை கதைக்களமாக கொண்டு உருவாகிறதாம். இப்படத்திற்கு '760 சிசி' என தலைப்பு வைத்துள்ளதாக கூறப்படுகிறது.

இந்நிலையில் இந்த படத்திலும் கதாநாயகியாக நடிக்க பிரேமலு பிரபலம் மமிதா பைஜூ நடிக்க ஒப்பந்தம் செய்துள்ளதாக கூறப்படுகிறது. மமிதா பைஜூ ஏற்கனவே வணங்கான் படத்தில் சூர்யாவுடன் இணைந்து நடித்து வந்தார். அதன்பின் அதிலிருந்து சூர்யா, மமிதா இருவரும் வெளியேறினர்.

மலையாளத்தில் வேகமாக வளர்ந்து வரும் இளம் நடிகையான மமிதா தமிழிலும் அடுத்தடுத்து நிறைய பட வாய்ப்புகளை பெற்று வருகிறார். தமிழில் ரெபல் படத்தில் நடித்த இவர் இப்போது ஜனநாயகன், இரண்டு வானம் போன்ற படங்களில் நடிக்கிறார் என்பது குறிப்பிடத்தக்கது.

• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்

• 
  லோகேஷ் கனகராஜ் ஜோடியாகும் ‛ஜெயிலர்' பட நடிகை
• 
  15வது திருமண நாளை கொண்டாடிய சிவகார்த்திகேயன் - ஆர்த்தி
• 
  ஹன்சிகாவின் விநாயகர் சதுர்த்தி கொண்டாட்டம்
• 
  டூரிஸ்ட் பேமிலி இயக்குனருக்கு ஜோடியான அனஸ்வரா ராஜன்
• 
  கோலி சோடா தொடர்ச்சி... புதிய பாகத்தின் தலைப்பு அறிவிப்பு