Dinamalar

'தி கோட்' படத்தின் உண்மையான வசூல் என்ன?: தயாரிப்பாளர் சொன்ன தகவல்

வெங்கட் பிரபு இயக்கத்தில் நடிகர் விஜய் நடித்து கடந்தாண்டு வெளியான படம் 'தி கிரேட்டஸ்ட் ஆப் ஆல்டைம்' (சுருக்கமாக 'தி கோட்'). மீனாட்சி சவுத்ரி, சிநேகா, பிரபுதேவா, பிரசாந்த், மோகன், ஜெயராம் உள்ளிட்ட பலர் நடித்திருந்த இப்படத்தை ஏஜிஎஸ் நிறுவனம் தயாரித்திருந்தது. யுவன் சங்கர் ராஜா இசையமைத்திருந்தார்.

படம் வெளியானதும் வசூல் நிலவரம் குறித்து அவ்வப்போது தயாரிப்பு தரப்பில் இருந்து போஸ்டர்கள் வெளியிடப்பட்டது. இறுதியாக படம் ரூ.450 கோடி வசூலித்ததாகவும் சொன்னார்கள். தற்போது ஏஜிஎஸ் நிறுவனத்தின் அடுத்த தயாரிப்பாக அஸ்வத் மாரிமுத்து இயக்கத்தில் பிரதீப் ரங்கநாதன் நடித்துள்ள 'டிராகன்' படம் நாளை மறுநாள் (பிப்.,21) வெளியாகிறது. இதன் புரமோஷனுக்காக ஏஜிஎஸ் நிறுவனத்தின் சார்பில் தயாரிப்பாளர் அர்ச்சனா கல்பாத்தி பேட்டியளித்து வருகிறார்.

அவரிடம் 'தி கோட்' பட வசூல் பற்றி கேள்வி எழுப்பப்பட்டது. அதற்கு அர்ச்சனா கூறியதாவது: தி கோட் திரைப்படம் ரூ.450 கோடி வசூல் என்று பலரும் கூறி வருகின்றனர். அதில் திரையரங்கைத் தாண்டி உள்ள வியாபாரம் எதுவும் சேர்க்கப்படவில்லை. அதையும் சேர்த்தால் பெரிதாக இருக்கும்.

நாங்கள் சொன்னது, திரையரங்க மொத்த வசூல் மட்டுமே. அதிலிருந்து வரியை எல்லாம் கழித்து கணக்கிட வேண்டும். பெரிய படங்களுக்கு வெளியீட்டுக்கு முன்பே திரையரங்க வசூலைத் தாண்டிய அனைத்து வியாபாரமும் பெரிய உறுதுணையாக இருக்கும். அதில் இருந்தே பெருவாரியான பணத்தை எடுத்துவிட முடியும். திரையரங்க வசூலில் இருந்து வரும் பெரும்பாலான தொகை லாபமாகவே இருக்கும். இவ்வாறு அவர் கூறினார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  மன்னிக்க முடியாதது : ஹேமமாலினி கோபம்
• 
  தீவிர மருத்துவ சிகிச்சையில் நடிகர் தர்மேந்திரா : உடல்நிலையில் ...
• 
  ஷாரூக்கானின் கிங் படத்தில் இணைந்த ஹாலிவுட் ஸ்டன்ட் மாஸ்டர்கள்
• 
  நகை கடத்தல் நடிகையின் கூட்டாளி நடிகருக்கு சிறையில் சொகுசு வசதி ; வெளியான ...
• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்

• 
  25வது நாளை கொண்டாடிய பைசன்
• 
  மகனை வாழ்த்தாத அப்பா : பேரனை உற்சாக படுத்தாத தாத்தா
• 
  கொரியன் படத்தில் நடிக்க ஆர்வம் காட்டும் ராஷ்மிகா மந்தனா
• 
  முதன்முறையாக தமிழில் அனுராக் காஷ்யப் கதையின் நாயகனாக நடிக்கும் ...
• 
  ரஜினி 173வது படத்தில் கெஸ்ட் ரோலில் நடிக்கிறாரா கமல்?