Dinamalar

பிளாஷ்பேக் : முதல் படத்திலிருந்து நீக்கப்பட்ட கிருஷ்ணன் - பஞ்சு

புகழ்பெற்ற அனைவருக்குமே முதல் படம் மிகப் பெரிய வெற்றிப் படமாக அமைந்திருக்கும், இல்லாவிட்டால் பெரிய ஏமாற்றத்தை கொடுத்திருக்கும். அப்படி ஒரு நிகழ்வு கிருஷ்ணன் - பஞ்சு வாழ்விலும் நடந்தது.

தமிழ் சினிமாவின் முதல் இரட்டை இயக்குனர்கள் கிருஷ்ணன் - பஞ்சு. பராசச்தி, பைத்தியக்காரன், நல்லதம்பி, குலதெய்வம், புதையல், தெய்வபிறவி, அன்னை உள்பட 50க்கும் மேற்பட்ட படங்களை இயக்கினர். இவர்கள் இயக்கிய முதல் படம் 'பூம்பாவை'.

இந்த படத்தின் கதையை கம்பதாசன் எழுதினார், மயிலாப்பூரில் வாழ்ந்த ஒரு தீவிர சிவபக்தையின் கதை. அந்த பக்தையாக யு.ஆர்.ஜீவரத்தினம் நடித்திருந்தார். அவருடன் கே.ஆர். ராமசாமி, கே.சாரங்கபாணி, கே.ஆர்.செல்லம், டி.ஆர். ராமச்சந்திரன், ஏ.ஆர்.சகுந்தலா, எஸ்.வி.சஹஸ்ரநாமம், டி.பாலசுப்ரமணியம், என்.எஸ்.கிருஷ்ணன், டி.ஏ.மதுரம், எம்.ஆர்.துரைராஜ் மற்றும் 'கொட்டாபுலி' கே.பி.ஜெயராமன் உள்பட பலர் நடித்திருந்தார்கள்.

இந்த படத்தை லியோ பிலிம்ஸ் சார்பில் அடப்ல்லி ராமா ராவ் என்பவர் தயாரித்திருந்தார். கிருஷ்ணன்-பஞ்சு படத்தை இயக்கினார்கள். இது அவர்களது முதல் படம். படம் தயாரிப்பில் இருக்கும்போது தயாரிப்பாளருக்கும், இயக்குனர்களுக்கும் இடையே கருத்து வேறுபாடு ஏற்பட்டது. இதனால் 80 சதவிகித பணிகள் முடிந்ததிருந்த நிலையில் பாலாஜி சிங் என்ற வடநாட்டு இயக்குனரை கொண்டு படத்தின் மற்ற பணிகளை முடித்தார் தயாரிப்பாளர்.

படத்தின் டைட்டிலில் 'இயக்கம் பாலாஜி சிங்' என்றும், 'மேற்பார்வை கிருஷ்ணன்-பஞ்சு' என்றும் இடம் பெற்றது. என்றாலும் மனம் சோர்ந்து விடாமல் தொடர்ந்து 3 வருடங்கள் போராடி என்.எஸ்.கிருஷ்ணன் தயாரித்து, நடித்த 'பைத்தியக்காரன்' படத்தை இயக்கி பெரும் புகழ் பெற்றனர்.

• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்

• 
  கர்நாடகாவில் 'தக்லைப்' வெளியிட வர்த்தக சபை அனுமதிக்கணும்: நடப்பு ...
• 
  வெற்றி பயத்தில் ராஷ்மிகா, பூஜா ஹெக்டே
• 
  தக் லைப் விவகாரத்தால் கலக்கத்தில் ஜனநாயகன்
• 
  பிளாஷ்பேக்: சிவாஜி படத்திற்கு கதை எழுதி தயாரித்த என்.டி.ராமராவ்
• 
  சினிமா விழாக்களில் அரசியல்வாதிகள் : கோலிவுட்டில் புது டிரெண்ட்