Dinamalar

கத்தாரில் பிரம்மாண்டமாக நடைபெற்ற சிக்டா விருதுகள் 2024

கத்தாரில் சிக்டா விருதுகள் இந்த வருடம் டிசம்பர் 20ம் தேதி கத்தாரின் புகழ்பெற்ற கத்தார் தேசிய மாநாட்டு மையத்தில் (QNCC) பிரம்மாண்டமாக நடைபெற்றது.

இந்த நிகழ்ச்சியானது சிக்டா நிறுவனர் மற்றும் இயக்குநரான சாதிக் பாஷா மிக விமர்சையாக ஏற்பாடு செய்யப்பட்டிருந்தது. தமிழ்நாடு, கேரளா, ஆந்திரப் பிரதேசம், தெலுங்கானா, கர்நாடகா ஆகிய மாநிலத்தில் உள்ள கத்தார் வாழ் ஆளுமைகளை இவ்விருதுகள் 8 பிரிவுகளில் கவுரவித்தன. மேலும் இந்நிகழ்வின் முக்கிய அம்சமாக, தென்னிந்திய திரையுலகின் பல்வேறு துறைகளில் சாதனை புரிந்தவர்களுக்கும் விருதுகள் வழங்கப்பட்டன.

இவ்விழாவை பிரபல நடிகை குஷ்பூ, நகைச்சுவை நட்சத்திரம் யோகி பாபு, கன்னட தயாரிப்பாளர் ராக்லைன் வெங்கடேஷ், பல்துறை திறமை கொண்ட நடிகர்கள் அசார் மற்றும் டி.எஸ்.கே, நடிகை அம்மு ராமச்சந்திரன், நடிகை சுமலதா, நடிகர் விமல், விசுவநாத், மற்றும் குணச்சித்திர நடிகர் ரியாஸ் கான் ஆகியோரின் வருகையால் நிகழ்ச்சியானது தனிச்சிறப்பை பெற்றது.

இந்த நிகழ்வில் 2500க்கும் மேற்பட்ட ரசிகர்கள் கலந்து, விழாவை சிறப்பித்தனர். தென்னிந்தியர்களின் கலாச்சார மற்றும் கலை நடைமுறைகளைக் கொண்டாடும் சிக்டா விருதுகள், வளர்ந்து வரும் திறமைகளை ஊக்குவிக்கும் ஒரு முக்கிய நிகழ்வாக திகழ்கிறது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது
• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை