23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு | விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' டிரைலர்! | பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி' | சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்! | தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை காட்சி ரத்து! | ரோமியோக்களால் மொபைல் நம்பரை மாற்றிய நடிகை | விரும்பிய கல்லூரியில் சேர குத்துச்சண்டை பழகிய பிரேமலு ஹீரோ | புஷ்பா 2 சம்பவம் எதிரொலி ; ஆர்யா-2 ரீ ரிலீஸான தியேட்டர்களில் பலத்த போலீஸ் பாதுகாப்பு | சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து | பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல |
அறிமுக இயக்குனர் தமிழரசன் பச்சமுத்து இயக்கத்தில், ஷான் ரோல்டன் இசையமைப்பில், தினேஷ், ஹரிஷ் கல்யாண், சஞ்சனா கிருஷ்ணமூர்த்தி, ஸ்வாசிகா மற்றும் பலர் நடிப்பில் செப்டம்பர் 20ம் தேதி வெளியான படம் 'லப்பர் பந்து'.
வியாபார ரீதியாக பெரிய நடிகர்கள் இல்லாத ஒரு படம் அதன் சிறப்பான கதையம்சம், திரைக்கதை, நடிப்பு ஆகியவற்றால் ரசிகர்களைக் கவர்ந்து வெற்றிகரமாக ஓடி வருகிறது. இன்று இப்படம் 50வது நாளைத் தொட்டுள்ளது.
விஜய் நடித்த 'தி கோட்' படம் வெளியான இரண்டு வாரங்களில் வந்தது. இந்தப் படம் வெளிவந்த இரண்டு வாரங்களுக்குப் பிறகு இருபது நாட்களுக்குப் பிறகு ரஜினிகாந்த் நடித்த 'வேட்டையன்' படம் வெளிவந்தது. அவ்வளவு பெரிய நடிகர்களின் படங்களுக்கு இடையிலும் இப்படத்திற்கான வரவேற்பு எந்த விதத்திலும் குறையவில்லை.
ஓடிடி தளத்தில் வெளியான பின்னும், கடந்த வாரம் தீபாவளிக்கு சில படங்கள் வெளிவந்த பிறகும் தமிழகம் முழுவதுமே பல தியேட்டர்களில் இப்படம் ஓடி வருகிறது. இந்த வருடத்தில் வெளிவந்த படங்களில் முக்கியமான திரைப்படமாக அமைந்தது. அதே சமயம் சுமார் 50 கோடிக்கும் அதிகமாக வசூலித்து அனைவருக்கும் லாபத்தைக் கொடுத்த படமாகவும் இருந்து மகிழ்ச்சியடைய வைத்துள்ளது.