Dinamalar

வில்லன் நடிகர்களே உஷாரா இருங்க...! - தியேட்டர் விசிட்டுக்குப் போன நடிகரை அறைந்த ரசிகை

புதிய படங்கள் வெளியாகும் போது அந்தப் படத்தை விளம்பரப்படுத்த படக்குழுவினர் தியேட்டர்களுக்கு விசிட் போவார்கள். தமிழ், தெலுங்கு என பல சினிமாக்களிலும் இப்படி நடக்கிறது.

தெலுங்கில் கடந்த வாரம் வெளியான படம் 'லவ் ரெட்டி'. அப்படத்தில் வில்லனாக நடித்தவர் என்டி ராமசாமி. படத்தில் காதல் ஜோடியாக நடித்த அஞ்சன் ராமச்சந்திரா, ஷ்ரவானி கிருஷ்ணவேணி ஆகியோரை வில்லனாக நடித்த ராமசாமி பிரித்துவிடுவாராம்.

படம் முடிந்த பின் தியேட்டர் விசிட் ஒன்றிற்குச் சென்ற படக்குழுவினர் மேடையில் நின்றிருந்த போது படம் பார்த்து நடுத்தர வயது பெண்மணி ஒருவர் திடீரென மேடைக்கு வந்து ராமசாமியின் சட்டையைப் பிடித்து இழுத்து கன்னத்தில் அறைந்தார். படக்குழுவினர் தடுத்தும் மீண்டும் எகிறி வந்து அவரை அடித்தார். அதனால், மேடையில் நின்றவர்களும், படம் பார்த்தவர்களும் அதிர்ச்சி அடைந்தனர். இந்த வீடியோ தற்போது சமூக வலைத்தளங்களில் வைரலாகப் பரவி வருகிறது.

ஒரு பக்கம் அந்த நடிகரின் நடிப்புக்குக் கிடைத்த வெற்றி இது என்று சிலர் சொன்னாலும் அடி வாங்கும் அளவிற்கு நடித்துள்ளார் என்பது அதிர்ச்சிதான். தியேட்டர் விசிட் செல்லும் வில்லன் நடிகர்கள் இனி கவனமாக செல்ல வேண்டியது அவசியம்.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  இசையமைப்பாளர் இளையராஜா அலுவலகத்திற்கு வெடிகுண்டு மிரட்டல்
• 
  பூஜா ஹெக்டேவின் பிறந்த நாளில் 'ஜனநாயகன்' படக்குழு வெளியிட்ட போஸ்டர்!
• 
  'டியூட்' படத்திற்காக இரவு முழுக்க தூங்காமல் பயிற்சி எடுத்த மமிதா பைஜு!
• 
  அல்லு அர்ஜுனை தொடர்ந்து 'கேஜிஎப்' நாயகன் யஷை இயக்கும் அட்லி!
• 
  ரஜினியின் அடுத்த படத்தை தயாரிப்பது யார்?