Dinamalar

தியேட்டர்களில் ஓடினால்தான்… : ஓடிடி நிறுவனங்கள் புதிய முடிவு?

ஓடிடிக்கு புதிய படங்களை விற்பதில் புதிய கட்டுப்பாடுகளை விதிக்க தயாரிப்பாளர் சங்கம் ஒரு பக்கம் முடிவு செய்துள்ளது. அது சம்பந்தமான அறிக்கை ஒன்றும் கடந்த வாரம் வெளியானது. இதனிடையே, ஓடிடி உரிமையை வாங்குவதில் ஓடிடி நிறுவனங்கள் புதிய முடிவுகளை எடுத்துள்ளதாகவும் தகவல் வெளியாகி உள்ளது.

சர்வதேச நிறுவனங்களான அமேசான், நெட்பிளிக்ஸ், டிஸ்னி பிளஸ் ஹாட்ஸ்டார் ஆகிய நிறுவனங்கள்தான் நல்ல விலை கொடுத்து புதிய படங்களை வாங்குகின்றன. ஹிந்தி, தெலுங்கு, தமிழ், கன்னடம், மலையாளம் ஆகிய மொழிகளில் வெளியாகும் படங்களின் உரிமைகளைப் பெற்று அவற்றை மற்ற மொழிகளிலும் டப்பிங் செய்து இந்திய அளவில் சினிமா ரசிகர்கள் பார்க்கும் விதத்தில் வெளியிடுகிறார்கள். சில படங்களை ஆங்கிலத்திலும் டப்பிங் செய்து உலக அளவில் உள்ள சினிமா ரசிகர்களுக்கும் சென்று சேர்க்கிறார்கள்.

வருடத்திற்கு ஒரு குறிப்பிட்ட தொகையை ஒதுக்கும் நிறுவனங்கள் அதற்குள்ளாகவே படங்களின் உரிமைகளை வாங்கி முடிக்கின்றன. கடந்த வருடம் வரை வெளியீட்டிற்கு முன்பாகவே படங்களை வாங்கினார்கள். ஆனால், அவற்றில் சில படங்கள் தியேட்டர்களில் வெளியாகி தோல்வியை சந்தித்தன. அதனால், அப்படி வாங்கிய படங்களால் ஓடிடி நிறுவனங்களுக்கு இழப்பு ஏற்பட்டுள்ளது. அதைச் சரி செய்ய இந்த 2024ம் ஆண்டில் குறிப்பிட்ட சில நடிகர்களின் படங்களை மட்டுமே வாங்கினார்கள்.

அதன் காரணமாக நிறைய படங்களின் ஓடிடி உரிமை விற்கப்படாமல் அப்படியே கிடக்கிறது. இது தமிழில் மட்டுமல்லாது, தெலுங்கு, ஹிந்தி உள்ளிட்ட பிற மொழிப் படங்களுக்கும் பாதிப்பை ஏற்படுத்தியுள்ளது. இந்நிலையில் தியேட்டர்களில் ஓடி வெற்றி பெற்றால் மட்டுமே அப்படங்களுக்கு நல்ல விலையைக் கொடுத்து வாங்கலாம். ஓடாத படங்களுக்கான விலையில் மாற்றத்தைக் கொண்டு வரும் விதத்தில் ஒப்பந்தம் செய்ய முடிவெடுத்துள்ளார்களாம்.

தியேட்டர் வெளியீட்டிற்கு முன்பே ஒப்பந்தம் போட்டாலும், தியேட்டர் வெளியீட்டிற்கு பின்புதான் அந்தப் படத்திற்காக எவ்வளவு தொகையைத் தர முடியும் என மாற்றத்தைச் செய்துள்ளார்களாம். படம் ஓடினால் ஒரு தொகை, ஓடவில்லை என்றால் அதிலிருந்து குறைக்கப்பட்ட தொகை என்கிறார்கள்.

ஓடிடி உரிமை இவ்வளவு கிடைக்கும் என பட்ஜெட் போட்டு படத்தை ஆரம்பிக்க முடியாத சூழ்நிலையில் பல படங்கள் உள்ளதாக கோலிவுட் வட்டாரங்கள் தெரிவிக்கின்றன.

• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!
• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்

• 
  நயன்தாராவுடன் இணையும் படத்திற்காக போட்டோஷூட் நடத்திய சிரஞ்சீவி!
• 
  தனுஷின் 'குபேரா' படத்தை 50 கோடிக்கு கைப்பற்றிய அமேசான் பிரைம்!
• 
  நெட்பிளிக்ஸ் ஓடிடியில் வெளியாகும் சூர்யாவின் 'ரெட்ரோ'
• 
  'கொம்பு சீவி' படத்திற்காக மதுரை வட்டார தமிழில் டப்பிங் பேசும் சண்முக ...
• 
  விஜய்சேதுபதி நடித்துள்ள 'ஏஸ்' படத்தின் சென்சார் - ரன்னிங் டைம் ...