Dinamalar

வெளியான ஒரே வாரத்தில் 2-ம் பாகம் அறிவிப்பு ; முக்கிய வேடத்தில் இணைந்த சுரேஷ்கோபி

மலையாளத்தில் கடந்த வாரம் வெளியான படங்களில் ககனாச்சாரி படமும் ஒன்று. அனு சந்து என்பவர் இயக்கியுள்ள இந்த படம் ஒரு சயின்ஸ் பிக்சன் காமெடி படமாக உருவாகி இருந்தது. குறைந்த பட்ஜெட்டில் தரமான வி.எப்.எக்ஸ் பணிகளுடன் வெளியான இந்த படம் ரசிகர்களிடம் வரவேற்பு பெற்று தற்போது தான் கொஞ்சம் கொஞ்சமாக பிக்கப் ஆகி வருகிறது.

தற்போது படம் வெளியாகி ஒரு வாரமே ஆகியுள்ள நிலையில் இந்த படத்தின் இரண்டாம் பாகம் ககனாச்சாரி யுனிவர்ஸ் என்கிற பெயரில் அறிவிக்கப்பட்டுள்ளது. அது மட்டுமல்ல சமீபத்தில் நடைபெற்ற லோக்சபா தேர்தலில் வென்று திருச்சூர் எம்பி ஆக வெற்றி பெற்ற நடிகர் சுரேஷ்கோபியும் இந்த இரண்டாம் பாகத்தில் மணியன் சித்தப்பா என்கிற முக்கிய கதாபாத்திரத்தில் நடிக்க இருக்கிறார்.

சமீபத்தில் தனது பிறந்த நாளன்று இந்த படத்தில் தனது கதாபாத்திர போஸ்டருடன் கூடிய அறிவிப்பை சுரேஷ்கோபியே வெளியிட்டார். இதன் முதல் பாகத்தில் சுரேஷ்கோபியின் மகன் கோகுல் சுரேஷ் கதாநாயகனாக நடித்திருந்ததால், அவரது வளர்ச்சிக்கு உறுதுணையாகவும் படக்குழுவினரை உற்சாகப்படுத்தவும் இரண்டாம் பாகத்தில் முக்கிய வேடத்தில் நடிக்க சுரேஷ்கோபி ஒப்புக்கொண்டுள்ளார் என்றே தெரிகிறது.

• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்
• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!

• 
  போதைப்பொருள் பயன்படுத்த தனி ரூம் வசதி ; பெண் தயாரிப்பாளர் பகீர் ...
• 
  மம்முட்டி - கவுதம் மேனன் பட ஓடிடி ரிலீஸ் தாமதம் ஏன் ?
• 
  'ஸ்படிகம்' இயக்குனரை அழைத்து வந்து வித்தியாசமான முறையில் கவுரவித்த ...
• 
  அமெரிக்காவில் தெலுங்கு கலாச்சார விழாவில் பங்கேற்கும் அல்லு அர்ஜுன்
• 
  ராஜமவுலி, ஜூனியர் என்டிஆர் பட ரீ ரிலீஸில் அதிர்ச்சி : பாதியில் வெளியேறிய ...