தமிழில் வெளியாகும் சாய் தன்ஷிகாவின் தெலுங்கு படம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

20 ஜூன், 2024 - 12:49 IST

எழுத்தின் அளவு:

சாய் தன்ஷிகா நடித்துள்ள தெலுங்கு படம் 'அந்திம தீர்ப்பு'. இதில் அவர் ஆக்ஷன் ஹீரோயினாக நடித்துள்ளார். இந்த படம் 'சட்டம் என் கையில்' என்ற பெயரில் தமிழிலும் வெளியாகிறது.

இந்த படத்தை ஸ்ரீசித்தி விநாயகா மூவி மேக்கர் சார்பில் டி.ராஜேஸ்வர ராவ் தயாரித்துள்ளார். அபிராமு இயக்கியுள்ளார். விமலா ராமன், கணேஷ் வெங்கட்ராம், சத்ய பிரகாஷ், தீவாளி தீபு, நாக மகேஷ் உள்பட பலர் நடித்துள்ளனர். என்.சுதாகர் ரெட்டி ஒளிப்பதிவு செய்ய, கோட்டி இசை அமைத்துள்ளார். படம் நாளை வெளியாகிறது.

படம் பற்றி இயக்குனர் அபிராமு கூறும்போது "1978ல் கமல்ஹாசன் நடிப்பில் வெளியான 'சட்டம் என் கையில்' படத்தின் கதைக்கும், இப்படத்தின் கதைக்கும் சம்பந்தம் இல்லை. தலைப்பு மட்டுமே பயன்படுத்தப்பட்டுள்ளது. எதை வேண்டுமானாலும் விலை கொடுத்து வாங்கக்கூடிய சர்வசக்தி படைத்த ஜமீன்தாரின் குடும்பத்துக்கும், நீதிக்காக கடுமையாகப் போராடும் ஏழைப் பெண்ணுக்கும் நடக்கும் யுத்தம்தான் கதை. தனி நபராக சட்டத்தின் முன்பு போராடி, தனது கையால் தீர்ப்பு கொடுத்த வீரதீர பெண்ணைப் பற்றிய படம் இது" என்றார்.

Saidhansika

கருத்துகள் (0) கருத்தைப் பதிவு செய்ய

லைகாவும், விஷாலும் மத்தியஸ்தம் ...

நல்ல படத்தில் இருப்பதே பெருமைதான் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய