Dinamalar

பொன்னியின் செல்வன் படத்தில் நடிக்க விரும்பிய சிம்ரன்

90களில் தமிழ் சினிமாவில் முன்னணி ஹீரோயினாக வலம் வந்தவர் நடிகை சிம்ரன். பல முன்னணி ஹீரோக்களுக்கு ஜோடியாக நடித்த இவர் தற்போது குணச்சித்திர வேடங்களில் நடித்து வருகிறார். கடைசியாக அவர் விக்ரம் நடித்த ‛மஹான்', ஆர்யா நடித்த ‛கேப்டன்' ஆகிய படங்களில் நடித்து இருந்தார். அவர் நடித்த அந்தகன் மற்றும் துருவ நட்சத்திரம் படங்கள் இன்னும் ரிலீசாகவில்லை.

சமூக வலைதளங்களில் ஆக்டிவாக இருந்து வரும் சிம்ரனிடம் ரசிகர் ஒருவர், ‛நீங்கள் நடிக்க விரும்பிய திரைப்படம் மற்றும் கதாபாத்திரம் என்ன?' என எக்ஸ் தளத்தில் கேள்வி எழுப்பியிருந்தார். அதற்கு சிம்ரன், ‛பொன்னியின் செல்வனில் நந்தினி கதாபாத்திரத்தில் நடிக்க விரும்பியதாக' கூறினார்.

மணிரத்னம் இயக்கிய பொன்னியின் செல்வனில் நந்தினியாக ஐஸ்வர்யா ராய் நடித்தது குறிப்பிடத்தக்கது.

• இவரை பற்றி
• செய்திகள்
• ஆல்பம்