Dinamalar

சினிமாவில் ஜாதி பார்க்கிறார்கள்: அறிமுக இயக்குனர் வேதனை

கோமதி துரைராஜ் தயாரிப்பில் ஷார்ட் பிளிக்ஸ் வெளியீடாக உருவாகி உள்ள படம் 'நவயுக கண்ணகி'. அறிமுக இயக்குனர் கிரண் துரைராஜ் இயக்கி உள்ளார் . படத்தின் மைய கதாபாத்திரத்தில் பவித்ரா தென்பாண்டியன் நடிக்க, முக்கிய வேடங்களில் விமல் குமார், டென்சில் ஜார்ஜ், தென்பாண்டியன், ஜெயபிரகாஷ் உள்ளிட்ட பலர் நடித்துள்ளனர். பாடல்களுக்கு ஆல்வின் இசை அமைத்துள்ளார். கெவின் பின்னணி இசையமைத்துள்ளார். தர்மதீரன் ஒளிப்பதிவு செய்துள்ளார். படம் தற்போது ஓடிடி தளத்தில் வெளியாகி உள்ளது. தனது காதலனை ஆணவ கொலை செய்த தன் குடும்பத்தை ஒரு பெண் புதுமையான ஒரு வழியில் பழிவாங்கும் கதை.

படத்தின் அறிமுக நிகழ்ச்சியில் இயக்குனர் கிரண் துரைராஜ் பேசியதாவது: நான் பெங்களூருவை சேர்ந்த தமிழன். எந்த ஊரில் தமிழர்கள் இருந்தாலும் அங்கே அவரவர்க்கு என ஒரு ஜாதி அமைப்பு இருக்கும். நானும் ஒரு ஜாதியை சேர்ந்தவன்தான். அங்கே இருக்கும்போது இது பற்றி ஒன்றும் தெரியவில்லை. அங்கே வெறும் கன்னட தமிழர் வித்தியாசம் மட்டும்தான். அங்கிருந்து இங்கே வந்து பார்க்கும்போது தான் ஜாதியை உணர்ந்தேன்.

சினிமாவுக்காக சென்னை வந்தபோது, இங்கே.. சென்னையில் ஜாதி பார்க்கிறார்கள் என்று சொல்ல மாட்டேன். ஆனால் சினிமாவில் ஜாதி பார்க்கிறார்கள். 5 நிமிடத்திலேயே நம் ஜாதி என்ன என்று நம்மிடமே போட்டு வாங்கும் விதமாக பேசுவார்கள். எனக்கு என் ஜாதியை சொல்ல வேண்டுமா வேண்டாமா என்று கூட தெரியாது. என் ஜாதியை கண்டுபிடித்தவர்கள் அந்த கோணத்திலேயே என்னை சித்தரிக்க துவங்கினார்கள். அதனால்தான் ஜாதி பிரச்னையை என்னுடைய முதல் படமாக நினைத்தேன். இனி அடுத்து நான் எடுக்கும் படங்களில் கூட என் வாழ்க்கையில் பாதித்த நிஜ விஷயங்களைதான் இருக்கும். என்றார்.

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  அடுத்த படத்திற்காக கதை கேட்கும் பவிஷ்
• 
  வாடிவாசல் படப்பிடிப்பில் ஏற்பட்ட திடீர் மாற்றம்
• 
  அல்லு அர்ஜுன், அட்லி படம் : கதாநாயகிகள் வாய்ப்பு யாருக்கு?
• 
  ஒரு பாட்டாவது வைத்திருக்கலாம்…. த்ரிஷா, சிம்ரன் ரசிகர்கள் வருத்தம்
• 
  2025ல் இரண்டாவது 50 நாள் படம் 'டிராகன்'