Dinamalar

'லியோ' வெற்றி விழா நடந்ததன் பின்னணி?

விஜய் நடித்து வெளிவந்த 'லியோ' படத்தின் வெற்றி விழா நேற்று முன்தினம் சென்னையில் நடைபெற்றது. விஜய் நடித்த படங்களுக்கு கடந்த சில வருடங்களில் இப்படியான வெற்றி விழா எதுவும் நடைபெற்றதில்லை. பட வெளியீட்டிற்கு முன்பாக இசை வெளியீட்டு விழா நடத்துவதுடன் நிறுத்திக் கொள்வார்கள்.

ஆனால், 'லியோ' படத்திற்கு இசை வெளியீட்டு விழாவை ரத்து செய்து விட்டார்கள். பின்னர் படம் வெளியான 12 நாட்களிலேயே வெளியீட்டு விழாவை நடத்தியதன் காரணம் என்ன என கோலிவுட்டில் ஒரு தகவலைத் தெரிவிக்கிறார்கள்.

படத்தின் சாட்டிலைட் உரிமையை வாங்கிய நிறுவனம் இசை வெளியீட்டு விழாவின் பிரத்யேக ஒளிபரப்பு உரிமைக்காவும் அதிகத் தொகை ஒன்றைக் கொடுத்தார்களாம். விழா நடக்காமல் போனதால் அந்தத் தொகையைத் திரும்பத் தருமாறு தயாரிப்பாளரிடம் கேட்டுள்ளார்கள். அவ்வளவு தொகையைத் திருப்பித் தருவதற்குப் பதிலாக வெற்றி விழாவை நடத்தித் தருகிறோம் என்று சொல்லியிருக்கிறார் தயாரிப்பாளர்.

அதன்பின் விஜய்யை சந்தித்து இது குறித்து பேசியிருக்கிறார் தயாரிப்பாளர். முதலில் அதற்கு மறுத்த விஜய், பின்னர் விழாவை ரொம்பவும் பரபரப்பாக்காமல் சிம்பிளாக நடத்துங்கள் என்று தெரிவித்தாராம். அதனால்தான் ரசிகர்களையும் அதிகம் விடாமல், பத்திரிக்கையாளர்களையும் அனுமதிக்காமல் விழாவை நடத்தி முடித்துள்ளார்கள் என்று கோலிவுட்டில் தெரிவித்தார்கள்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்