Dinamalar

பெண் குழந்தைக்கு தந்தையானார் பிக்பாஸ் புகழ் ஆரவ்

தமிழில் முதன்முதலில் துவங்கப்பட்ட பிக்பாஸ் சீசன்-1 நிகழ்ச்சியில் டைட்டில் வின்னர் ஆக தேர்வானவர் ஆரவ் நபீஸ். பிக்பாஸ் போட்டியில் கலந்து கொண்டதால் பிக்பாஸ் ஆரவ் என்று பலரால் அறியப்படும் இவர் ஒன்றிரண்டு படங்களில் கதாநாயகனாக நடித்தாலும் பெரிய அளவில் அவை வரவேற்பை பெறவில்லை. இந்த நிலையில் கடந்த வருடம் வெளியான கலகத்தலைவன் படத்தில் வில்லனாக நடித்து வரவேற்பு பெற்றார்.

அதற்கு முன்னதாக பிக்பாஸ் நிகழ்ச்சியில் நடிகை ஓவியாவுடன் சேர்ந்து காதல் கிசுகிசுக்களில் சிக்கினாலும் அவற்றிலிருந்து மெல்ல விலகி கடந்த 2020ல் ரஹீ என்பவரை திருமணம் செய்து கொண்டார் ஆரவ். கடந்த 2021 நவம்பரில் இவர்களுக்கு ஏற்கனவே ஆண் குழந்தை ஒன்று பிறந்தது. இந்த நிலையில் தற்போது பெண் குழந்தைக்கும் தந்தையாகி இருக்கிறார் ஆரவ். இது குறித்து தனது மகிழ்ச்சியை தெரிவித்துள்ளதுடன் இரண்டு குழந்தைகளுடன் தம்பதி சகிதமாக உள்ள தங்களது புகைப்படத்தையும் பகிர்ந்து கொண்டுள்ளார் ஆரவ்.

• செய்திகள்