ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு | ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு | சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி' | மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது! | சோபிதா துலிபாலாவின் அடுத்த தமிழ் படம்! | ரேஸ் காரை ஓட்டும் அஜித்தின் மகன் ஆத்விக்! வைரலாகும் வீடியோ!! | எதிர்பார்த்ததை விட பாசிட்டிவான விமர்சனங்கள் - விக்ரம் வெளியிட்ட வீடியோ! | பரபரப்பில்லாமல் இன்றைய வெளியீடுகள் | ஆறு மாதங்கள் தள்ளிப் போனது 'இட்லி கடை' | கார் பார்க்கிங் பிரச்னை : பிக்பாஸ் பிரபலம் தர்ஷன் கைது |
தெலுங்கு, ஹிந்தியில் அதிகமான படங்களில் நடித்துள்ள இலியானா, தமிழில் கேடி என்ற படத்தில் அறிமுகமானவர், அதன்பிறகு ஷங்கர் இயக்கத்தில் விஜய் நடித்த நண்பன் படத்தில் நடித்தார். ஆஸ்திரேலியாவை சேர்ந்த புகைப்பட கலைஞர் ஆன்ட்ரூவ் என்பவரை காதலித்து வந்த இலியானா அவருடன் லிவிங் டுகெதர் வாழ்க்கை வாழ்ந்து வந்தார். பின்னர் கருத்து வேறுபாடு காரணமாக அவரை பிரிந்தார்.
அதையடுத்து நடிகை கைத்ரினா கைப்பின் சகோதரர் ஜெபாஸ்டியனை காதலித்து வருவதாக கூறப்பட்டது. டேட்டிங் சென்று வருவதோடு லிவிங் டுகெதர் வாழ்க்கையிலும் அவர்கள் ஈடுபட்டிருப்பதாக பாலிவுட்டில் செய்திகள் வெளியாகி வந்தன. என்றாலும் அந்த தகவலை இலியானா உறுதிப்படுத்தவில்லை.
சில மாதங்களுக்கு முன்பு தான் கர்ப்பமாக இருக்கும் தகவலை தெரிவித்து அனைவருக்கும் அதிர்ச்சி கொடுத்தார் இலியானா. இன்னும் திருமணம் செய்து கொள்ளாத இலியானா தான் கர்ப்பமாக இருப்பதாக செய்தி வெளியிட்டதால், எப்போது உங்களுக்கு திருமணம் நடைபெற்றது? உங்களது கணவர் யார்? என்று பலரும் சோசியல் மீடியாவில் அவரிடத்தில் கேள்வி எழுப்பி வந்தார்கள். என்றாலும் அது குறித்த எந்த பதிலும் கொடுக்காத இலியானா, தற்போது கருப்பு நிற உடையில் தான் கர்ப்பமாக இருக்கும் புகைப்படங்களை வெளியிட்டு ஏற்கனவே வெளியிட்ட அந்த செய்தியை உறுதிப்படுத்தியுள்ளார். அந்த புகைப்படங்கள் வைரலாகி வருகிறது.