Dinamalar

விரூபாக்ஷா - தெலுங்கில் 80 கோடி வசூலித்த படம் தமிழில் ரிலீஸ்

அறிமுக இயக்குனர் கார்த்திக் தண்டு இயக்கத்தில், அஜனீஷ் லோகநாத் இசையமைப்பில், சாய் தரம் தேஜ், சம்யுக்தா, சுனில் மற்றும் பலர் நடித்து தெலுங்கில் கடந்த ஏப்ரல் மாதம் 21ம் தேதி வெளியான படம் 'விரூபாக்ஷா'. சுமார் 20 கோடி செலவில் தயாரான இந்தப் படம் 80 கோடி வசூலித்து பெரிய வெற்றியைப் பெற்றுள்ளது.

தெலுங்கில் தயாராகி தமிழில் டப்பிங் ஆகி வெளிவந்து வெற்றி பெற்ற “அம்மன், அருந்ததி” படங்கள் போல பக்தி, மாயாஜால தந்திரம் நிறைந்த படமாக இந்த 'விரூபாக்ஷா' படம் உருவாகி உள்ளது. 1991ல் கதை நடப்பதாகப் படமாக்கப்பட்டுள்ளது.

இம்மாதிரியான படங்கள் தெலுங்கு ரசிகர்களிடம் அமோக வரவேற்பைப் பெறும். அதுபோலவே இந்தப் படமும் வரவேற்பைப் பெற்றுள்ளது. தமிழில் ஸ்டுடியோ க்ரீன் நிறுவனம் இப்படத்தை வெளியிட, தமிழ் வசனங்களை பிரபாகர் எழுதியுள்ளார். தெலுங்கில் படம் வெற்றி பெற்றுள்ளதால் நாளை மே 5ம் தேதி படம் வெளியாவதற்கு இரண்டு நாட்கள் முன்பாகவே பத்திரிகையாளர்களுக்கு காட்சியைத் திரையிட்டுவிட்டனர். தெலுங்கைப் போல தமிழிலும் படத்திற்கு வரவேற்பு கிடைக்குமா என்பது நாளை தெரிந்துவிடும்.

• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது

• 
  'மோனிகா' பூஜாவை விட ரசிகர்களைக் கவர்ந்த சவுபின் ஷாகிர்
• 
  பிளாஷ்பேக் : அருக்காணியால் தயங்கிய பாக்யராஜ்
• 
  பிளாஷ்பேக் : அதிக சம்பளம் பெற்ற கதாசிரியர்
• 
  "நான்தான் பர்ஸ்ட்" என்ற ராஷ்மிகாவின் கருத்துக்கு எதிர்ப்பு
• 
  எனக்கு வராத சம்பளத்தை கொண்டு இரண்டு படங்கள் தயாரிக்கலாம்: கலையரசன் ...