Dinamalar

மருமகனுக்காக கதை எழுதிய அர்ஜூன்

நடிகர் அர்ஜூன் ஒரு இயக்குனரும்கூட. ஜெய்ஹிந்த், தாயின் மணிக்கொடி, வேதம், ஏழுமலை, பரசுராம், மதராஸி உள்பட பல படங்களை இயக்கி உள்ளார். கடைசியா மகள் ஐஸ்வர்யா நடித்த 'சொல்லிவிடவா' படத்தை இயக்கினார்.

தற்போது தனது சகோதரி மகன் துருவா சார்ஜா நடிக்கும் 'மார்ட்டின்' படத்தின் கதையை அர்ஜூன் எழுதியுள்ளார். கன்னடத்தில் தயாராகும் இந்த படம் பெரிய பட்ஜெட்டில் பான் இந்தியா படமாக உருவாகிறது. வாசி என்டர்பிரைசஸ் சார்பில் உதய் கே.மேத்தா தயாரிக்கிறார். ஏ.பி.அர்ஜூன் இயக்குகிறார். வைபவி சாண்டில்யா, அன்வேஷி ஜெயின், சிக்கண்ணா, மாளவிகா அவினாஷ், அச்யுத் குமார், நிகிதின் தீர், நவாப் ஷா, ரோஹித் பதக் உள்பட பலர் நடிக்கிறார்கள். மணிசர்மா இசை அமைக்கிறார், சத்யா ஹெக்டே ஒளிப்பதிவு செய்கிறார்.

தற்போது படத்தின் டீசர் வெளியிடப்பட்டுள்ளது. இதற்கான விழா பெங்களூரு ஓரியன்ட் மாலில் பிரமாண்டமாக நடந்தது. இதில் தயாரிப்பாளர் உதய் கே.மேத்தா, அர்ஜூன், நாயகன் துருவா சர்ஜா, நாயகி வைபவி சாண்டில்யா, அன்வேஷி ஜெயின் உட்பட படக்குழுவினர் கலந்துகொண்டனர்.

விழாவில் துருவா சார்ஜா பேசும்போது “திரையுலகில் எனது அங்கிள் அர்ஜூன்தான் எனக்கு வழிகாட்டி. நான் கேட்டுக் கொண்டதற்காக இந்த கதையை எழுதி தந்தார். கதை எழுதி தந்ததோடு படத்தில் என்னென்ன அம்சங்கள் இருக்க வேண்டும் என்கிற ஆலோசனையும் சொன்னார். எனது கேரியரில் அதிக பட்ஜெட்டில் தயாராகும் பான் இந்தியா படம் இது” என்றார்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு