Dinamalar

ரஜினி படங்கள், கின்னஸ் சாதனை படத்தை எடுத்த தயாரிப்பாளர் காலமானார்

ரஜினி நடித்த ‛காளி, கர்ஜனை', கின்னஸில் இடம் பெற்ற ‛சுயம்வரம்' படங்களை எடுத்த தயாரிப்பாளர் ஹேம்நாத் பாபுஜி (76) உடல்நலக் குறைவால் காலமானார். உடல்நலம் பாதிக்கப்பட்டு சென்னை, மருத்துவமனையில் அனுமதிக்கப்பட்டு இருந்த அவர் சிகிச்சை பலன் இன்றி இன்று(பிப்., 7) காலை உயிரிழந்தார்.

ரஜினி நடித்த காளி, கர்ஜனை படங்களை தயாரித்தவர் கிரிதாரிலால் நாக்பால் என்றழைக்கப்படும் ஹேம்நாத் பாபுஜி. தென்னிந்திய திரைப்படம், டிவி தயாரிப்பாளர் சங்கம் எனப்படும் கில்டு அமைப்பின் தலைவராகவும் இவர் பதவி வகித்துள்ளார். மேலும் 14 இயக்குனர்கள் முன்னணி நடிகர்கள் நடித்து 24 மணிநேரத்தில் உருவாகி கின்னஸ் சாதனை படைத்த ‛சுயம்வரம்' படத்தையும் இவர் தான் தயாரித்தார் என்ற பெருமைக்குரியவர். மேலும் பல்வேறு படங்களில் குணச்சித்ர வேடங்களிலும் இவர் நடித்துள்ளார்.

சென்னை கீழ்ப்பாக்கம் பகுதியில் அடுக்குமாடி குடியிருப்பு ஒன்றில் இவர் வசித்து வந்தார். உடல்நலம் பாதிக்கப்பட்டு மருத்துவமனையில் சிகிச்சை பெற்ற நிலையில் இன்று காலை அவரது உயிர் பிரிந்தது.

கடந்த சில நாட்களில் கே விஸ்வநாத், வாணி ஜெயராம், டிபி கஜேந்திரன் ஆகியோர் மறைந்த நிலையில் இன்று இவரின் மறைவு திரையுலகினர் இடையே சோகத்தில் ஆழ்த்தியுள்ளது.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  புத்தாண்டை முன்னிட்டு எத்தனை படங்களின் அப்டேட் வந்தது தெரியுமா ?
• 
  தியேட்டர்களை எதிர்த்து ஓடிடியில் வெளியான 'சல்லியர்கள்'
• 
  தெலுங்குக்கு முன்னுரிமை தரும் நயன்தாரா
• 
  2026 கோடை விடுமுறையில் திரைக்கு வரும் விஷாலின் 'மகுடம்'!
• 
  காதலருடன் பிரேக்ப்பா? வதந்திக்கு முற்றுப்புள்ளி வைத்த பிரியா பவானி ...