9 நாட்களில் 200 கோடி வசூலைக் கடந்த அவதார் 2 - 'Avatar 2' Crosses 200 Crore Collection in 9 Days in India

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

9 நாட்களில் 200 கோடி வசூலைக் கடந்த 'அவதார் 2'

25 டிச, 2022 - 11:45 IST

எழுத்தின் அளவு:

ஜேம்ஸ் கேமரூன் இயக்கத்தில் பிரம்மாண்டமான ஹாலிவுட் திரைப்படமான 'அவதார் - த வே ஆப் வாட்டர்' படம் டிசம்பர் 16ம் தேதி இந்தியாவில் ஆறு மொழிகளில் வெளியானது. தற்போது இரண்டாவது வாரத்தில் வெற்றிகரமான எடுத்து வைத்துள்ள இந்தப் படம் கடந்த ஒன்பது நாட்களில் இந்தியாவில் 200 கோடி ரூபாய் வசூலைக் கடந்துள்ளதாக செய்திகள் தெரிவிக்கின்றன.

முதல் வார இறுதியில் சுமார் 40 கோடி வசூலைக் கடந்த இந்தப் படம் கடந்த வார நாட்களில் குறைவான வசூலையே பெற்றது. தற்போது கிறிஸ்துமஸ் விடுமுறை ஆரம்பமாகிவிட்டதால் கடந்த இரண்டு நாட்களாக படத்தின் வசூல் எதிர்பார்த்ததை விடவும் அதிகமாகிவிட்டதாம். இந்த இரண்டு நாட்களில் மட்டும் 25 கோடிக்கும் அதிகமாக வசூலித்துள்ளது என்கிறார்கள். தற்போது 200 கோடி வசூலைக் கடந்துள்ள இந்தப் படம் இந்த விடுமுறை நாட்களில் இன்னும் வசூலித்து 250 கோடி வசூலைக் கடக்கும் என்று எதிர்பார்க்கப்படுகிறது.

உலக அளவில் 650 மில்லியன் யுஎஸ் டாலர் வசூலை 'அவதார் 2 இதுவரையில் பெற்றுள்ளது. அதில் அமெரிக்க வசூல் 200 மில்லியன், மற்ற நாடுகளில் 400 கோடி வசூல் என்கிறார்கள். 650 மில்லியன் யுஎஸ் டாலர் என்பது இந்திய ரூபாய் மதிப்பில் 5369 கோடி ரூபாய் ஆகும். சுமார் 400 கோடி யுஎஸ் டாலர் மதிப்பில், அதாவது 3300 கோடி ரூபாய் பட்ஜெட்டில் 'அவதார் 2' தயாரிக்கப்பட்டுள்ளது.

Avatar2

AvatarTheWayOfWater

Collection

India

கருத்துகள் (0) கருத்தைப் பதிவு செய்ய

சில மணி நேரங்களில் 5 மில்லியனைத் ...

ஆஸ்திரியாவில் ஹனிமூன்: ஹன்சிகாவின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய