விஜய்யின் முதல் 100 கோடி படம் துப்பாக்கி வெளியாகி 10 ஆண்டுகள் நிறைவு - It's been 10 years since the release of Vijay's first 100 crore film 'Thuppaaki'

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

விஜய்யின் முதல் 100 கோடி படம் 'துப்பாக்கி' வெளியாகி 10 ஆண்டுகள் நிறைவு

13 நவ, 2022 - 01:44 IST

எழுத்தின் அளவு:

It's-been-10-years-since-the-release-of-Vijay's-first-100-crore-film-'Thuppaaki'

தமிழ்த் திரையுலகில் இன்றைய முன்னணி வசூல் நடிகர்களில் ஒருவராக இருப்பவர் விஜய். தமிழகம் மட்டுமல்லாது உலகம் முழுவதும் அவருக்கு எண்ணற்ற ரசிகர்கள் இருக்கிறார்கள். குறிப்பாக குட்டீஸ்களின் மனம் கவர்ந்த நடிகராக இருக்கிறார் விஜய்.

ஏஆர் முருகதாஸ் இயக்கத்தில் அவர் கதாநாயகனாக நடித்து 2012ல் வெளிவந்த 'துப்பாக்கி' படம்தான் அவருடைய முதல் 100 கோடி வசூல் படமாக அமைந்தது. அந்தப் படம் வெளிவந்து இன்றுடன் 10 ஆண்டுகள் நிறைவடைந்துள்ளது. 2012ம் ஆண்டு தீபாவளி நாளான நவம்பர் 13ல் வெளிவந்த படம்.

ராணுவத்தின் உளவுப் பிரிவில் பணியாற்றும் விஜய், மும்பையில் 'ஸ்லீப்பர் செல்' தீவிரவாதிகளால் திட்டமிடப்பட்ட மிகப் பெரிய தாக்குதலை தனது ராணுவ நண்பர்கள் துணையுடன் எப்படி முறியடிக்கிறார் என்பதுதான் படத்தின் கதை. புதிய கதைக்களம், விறுவிறுப்பான திரைக்கதை, விஜய், காஜல் அகர்வால் காதல், ஆங்காங்கே இயல்பான நகைச்சுவை என கமர்ஷியல் படமாகவும் அமைந்து ரசிகர்களை பெரிதும் கவர்ந்தது.

ஹாரிஸ் ஜெயராஜ் இசையில் அனைத்துப் பாடல்களும் சூப்பர் ஹிட்டாக அமைந்தது. அழகான ஒளிப்பதிவு, அதிரடியான சண்டைக் காட்சிகள் ஆகியவற்றுடன் அற்புதமான 'ஐ யாம் வெயிட்டிங்' என்ற இடைவேளை என படத்தில் பல விஷயங்கள் இன்றும் பேசப்பட்டு வருகிறது.

'துப்பாக்கி' படத்தின் வெற்றிக்குப் பிறகு ஏஆர் முருகதாஸ் கூட்டணி 'கத்தி, சர்க்கார்' ஆகியவற்றிலும் இணைந்து ஹாட்ரிக் வெற்றியைப் பெற்றது. 'துப்பாக்கி' போன்ற மற்றுமொரு மாறுபட்ட படத்தை அக்கூட்டணி மீண்டும் தருமா என ரசிகர்கள் இப்போதும் ஆர்வத்துடன் காத்துக் கொண்டிருக்கிறார்கள்.

'துப்பாக்கி'யில் ஆரம்பமான விஜய்யின் 100 கோடி பயணம் தொடர்ந்து பல 100 கோடிகளையும், அதற்கு மேலும் தந்து அவரை வசூல் நாயகனாக உயர்த்தியுள்ளது.

10YearsOfGoatThuppakki

ThalapathyVijay

Thuppakki

Vijay

கருத்துகள் (0) கருத்தைப் பதிவு செய்ய

ஹிந்தியில் வெளியான விஜய்யின் ...

தனி கதாநாயகியாக அடுத்த ஹிட் கொடுத்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய