Dinamalar

ராமரை சாந்தப்படுத்திய ஆதிபுருஷ் இயக்குனர்

ஹிந்தியில் வெளியான 'தன்ஹாஜி: தி அன்சங் வாரியர்' என்கிற படத்தை இயக்கி, தேசிய விருது பெற்றவர் ஓம் ராவத். இவரது இயக்கத்தில் தயாராகி, அடுத்த ஆண்டு ஜனவரி மாதம் 12ம் தேதி அன்று வெளியாகவிருக்கும் திரைப்படம் 'ஆதி புருஷ்' டி - சீரிஸ், ரெட்ரோபைல்ஸ் ஆகிய நிறுவனங்கள் இணைந்து தயாரித்துள்ள இப்படம், ஐமேக்ஸ், 3டி முறையில் உருவாகி உள்ளது.

இப்படத்தின் டீசரை படக்குழு அயோத்தியில் வெளியிட்டது. 'ஆதி புருஷ்' படத்தின் டீசரில் உள்ள கிராபிக்ஸ் காட்சிகள் வீடியோ கேம் போலவும், கார்ட்டூன் சேனலில் வரும் தொடர் போன்று இருப்பதாக விமர்சனங்கள் எழுந்தன. படத்தில் ராவணனாக நடித்திருக்கும் சைப் அலிகான் கதாபாத்திரம் குறித்தும் கடும் விமர்சனங்கள் எழுந்தன.

அதோடு சாந்தமான தோற்றம் கொண்ட ராமர் உருவத்தை கோப முகத்துடன் வெளியிட்டிருப்பதாகவும் விமர்சனங்கள் எழுந்தன. இந்த தவறுகளை திருத்தும் முயற்சியில் தற்போது தயாரிப்பு தரப்பு இறங்கி உள்ளது. இந்த நிலையில் படத்தின் புதிய போஸ்டர் ஒன்றை வெளியிட்டுள்ளனர். அதில் ராமர் தோற்றத்தில் இருக்கும் பிரபாஸ் சாந்தமாக இருப்பது போன்று சித்தரிக்கப்பட்டுள்ளது.

“ராமாயண காவியத்தில் நாயகனான ராமபிரானின் அனைத்து குணங்களின் குறைபாடற்ற கலவையாக இருக்கும் பிரத்யேக போஸ்டரை வெளியிடுகிறோம்” என்று தயாரிப்பு தரப்பு குறிப்பிட்டுள்ளது. நடிகர் பிரபாஸின் ராம அவதார உருவப்படம், தெய்வீகம் ததும்பும் வகையில் அமைந்திருப்பதால் ரசிகர்களின் ஏகோபித்த ஆதரவுடன் இணையத்தில் வைரலாகி வருகிறது.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்