Dinamalar

ஆண்ட்ரியாவை அடிக்கடி வெட்கப்பட வைத்த 'வட்டம்' குழுவினர்

தமிழ் சினிமாவில் சூப்பர் ஹிட் படங்களில் அதிகமாக நடிக்கவில்லை என்றாலும் நடிகை ஆண்ட்ரியாவுக்கு குறிப்பிடத்தக்க ரசிகர்கள் இருக்கிறார்கள். சிறந்த பின்னணிப் பாடகி என்பதும் அதற்கு ஒரு காரணம். அவர் கதாநாயகியாக நடித்துள்ள 'வட்டம்' படம் இந்த வாரம் ஓடிடி தளத்தில் வெளியாக உள்ளது.

நேற்று அப்படத்தின் பத்திரிகையாளர் சந்திப்பு சென்னையில் நடைபெற்றது. அப்போது பேசிய படக்குழுவினர்களில் பலர் தாங்கள் ஆண்ட்ரியாவின் ரசிகர்கள் என்பதைத் தவறாமல் பேசினார்கள். அதனால், அடிக்கடி ஆண்ட்ரியா வெட்கப்பட்டுக் கொண்டே இருந்தார். தொடர்ந்து பலரும் அப்படிப் பேசியதில் அவரது முகத்தில் அவ்வளவு சிரிப்பு. படத்தின் மற்றொரு கதாநாயகியான அதுல்யா ரவி, நிகழ்ச்சியைத் தொகுத்து வழங்கிய பெண் தொகுப்பாளர்களும் தாங்கள் ஆண்ட்ரியாவின் ரசிகைகள் என்றார்கள்.

ஒரு மேடையில் அடுத்தடுத்துப் பேசிய ஆண், பெண் பிரபலங்கள் தாங்கள் ஆண்ட்ரியாவின் ரசிகர்கள் என்று பேசினால் அதை விட மகிழ்ச்சி என்ன இருக்கப் போகிறது. மஞ்சள் முகமாக மேடை ஏறிய ஆண்ட்ரியா நிகழ்ச்சி முடிந்த பின் வெட்கத்தில் சிவந்த முகமாகத்தான் இறங்கி வந்தார். படத்திற்கு 'வட்டம்' எனப் பெயர் வைத்தற்குப் பதில் 'வெட்கம்' எனப் பெயர் வைத்திருக்கலாம்.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  பிளாஷ்பேக் : தங்கை கேரக்டரில் அதிகம் நடித்த நடிகை
• 
  ராட்சசன், ஆர்யன் இரண்டும் வேறு வேறு கதை களம்: விஷ்ணு விஷால்
• 
  பிளாஷ்பேக் : வாரிசு அரசியலை விமர்சித்த கருணாநிதி
• 
  விஜய் சேதுபதி படத்திற்கு இசையமைக்கும் ஹர்ஷவர்தன் ரமேஷ்வர்
• 
  'பாகுபலி 3' எதிர்காலத்தில் உருவாகுமா?