Dinamalar

தனுஷின் 'கேப்டன் மில்லர் 'படத்தில் இணைந்த சார்பட்டா பரம்பரை நடிகர்

தனுஷ் நடிப்பில் உருவாகியுள்ள ஹாலிவுட் படமான தி க்ரே மேன், திருச்சிற்றம்பலம், நானே வருவேன், வாத்தி ஆகிய படங்கள் அடுத்தடுத்து ரிலீசுக்கு தயாராகி உள்ளது . இப்படங்களை தொடர்ந்து சத்யஜோதி பிலிம்ஸ் தயாரிப்பில் அருண் மாதேஸ்வரன் இயக்கும் கேப்டன் மில்லர் படத்திலும் தனுஷ் நடிக்க உள்ளார். இதற்கான படப்பிடிப்பு வருகின்ற ஆகஸ்ட் மாதத்தில் துவங்க உள்ளது. ஜிவி பிரகாஷ் இப்படத்திற்கு இசையமைக்கிறார்.

படத்தில் தனுஷுக்கு வில்லனாக பிரபல நடிகர் விநாயகன் நடிக்க இருக்கிறார். மேலும் கதாநாயகியாக பிரியங்கா மோகன் நடிக்க இருப்பதாக கூறப்பட்டது. இந்நிலையில் இந்த படத்தில் சார்பட்டா பரம்பரை படத்தில் ஆர்யாவிற்கு நண்பனாக நடித்த நடிகர் சரவண வேல் முக்கிய வேடத்தில் நடிக்க இருக்கிறார். இந்த படம் 1930 ல் நடக்கும் கேங்ஸ்டர் கதை எனவும் கூறப்படுகிறது. தனுஷிற்கு பான் இந்திய திரைப்படமாக இது இருக்கும் எனவும் தயாரிப்பு நிறுவனம் தரப்பில் அறிவிக்கப்பட்டுள்ளது.

• இவரை பற்றி
• செய்திகள்
• ஆல்பம்