Dinamalar

சூர்யாவுக்கு ஜோடியாகும் பூஜா ஹெக்டே

மிஷ்கின் இயக்கிய முகமூடி என்ற படத்தில் ஜீவாவுக்கு ஜோடியாக அறிமுகமானவர் பூஜா ஹெக்டே. அதன் பிறகு தமிழில் பட வாய்ப்புகள் இல்லாததால் தெலுங்கு, ஹிந்தியில் நடித்து வந்தவர் நீண்ட இடைவெளிக்கு பிறகு நெல்சன் இயக்கத்தில் விஜய் நடித்த பீஸ்ட் படத்தில் மீண்டும் தமிழில் ரீஎன்ட்ரி கொடுத்தார். முகமூடி படத்தை போலவே பீஸ்ட் படமும் பெரிய அளவில் ஹிட் அடிக்காததால் அடுத்தபடியாக பூஜா ஹெக்டேவிற்கு தமிழில் புதிய படங்கள் உடனடியாக கமிட்டாகவில்லை. அதனால் தெலுங்கு, ஹிந்தி, கன்னட படங்களில் தற்போது கவனம் செலுத்திக் கொண்டிருக்கிறார்.

இந்த நேரத்தில் பாலா இயக்கும் தனது 41 வது படத்தில் தற்போது நடித்து வரும் சூர்யா அடுத்தபடியாக வெற்றிமாறனின் வாடிவாசல் படத்திற்கு முன்னதாகவே சிறுத்தை சிவா இயக்கும் படத்தில் நடிக்கப் போகிறார். இந்த படத்தின் ஆரம்பகட்ட பணிகள் தற்போது தொடங்கப்பட்டுள்ள நிலையில், இதில் சூர்யாவுக்கு ஜோடியாக பூஜா ஹெக்டேவை நடிக்க வைக்க பேச்சு வார்த்தையில் ஈடுபட்டு இருக்கிறார் சிவா.

இந்த படத்தை பான் இந்தியா படமாக வெளியிட திட்டமிட்டு இருப்பதால் தமிழ், தெலுங்கு, ஹிந்தி என மூன்று மொழிகளுக்கும் பரிட்சயமான நடிகர்-நடிகைகளை அவர் ஒப்பந்தம் செய்து வருகிறார். அதனால் மூன்று மொழி ரசிகர்கள் மத்தியிலும் பிரபலமானவர் என்ற காரணத்தினால் இந்த படத்தில் பூஜா ஹெக்டேவை நாயகியாக நடிக்க வைப்பதில் சிறுத்தை சிவா ஆர்வம் காட்டி வருவதாகவும் சொல்லப்படுகிறது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  அஜ்மல் மீது நடிகை பாலியல் குற்றச்சாட்டு
• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...