Dinamalar

அசைக்க முடியாத 'டான்' ஆக இருக்கும் கேஜிஎப் 'ராக்கி'

இன்றைய ஓடிடி யுகத்தில் தியேட்டர்களில் வெளியாகும் ஒரு படம் நான்கு வாரங்களுக்குள்ளாகவே ஓடிடி தளங்களில் வெளியாகின்றன. அதனால், தியேட்டர்களில் வெளியாகும் படங்களைக் கூட கொஞ்சம் பொறுமையாகக் காத்திருந்து ஓடிடியில் பார்த்துக் கொள்கின்றனர்.

இப்படிப்பட்ட ஒரு சூழ்நிலையில் ஒரு டப்பிங் படம் தமிழகத்தில் தியேட்டர்களில் வெளியாகி நான்கு வாரங்களுக்கும் மேலாக இன்னமும் தியேட்டர்களில் ஓடிக் கொண்டிருப்பது ஆச்சரியம்தான். அந்தப் பெருமையை 'கேஜிஎப் 2' படம் பெற்றுள்ளது. படத்தில் கேஜிஎப்பின் 'டான்' ஆக ராக்கி பாய் கதாபாத்திரத்தில் நடித்திருக்கும் யஷ் தமிழ் ரசிகர்களின் வரவேற்பையும் பெற்றுவிட்டார்.

அப்படத்துடன் வெளிவந்த 'பீஸ்ட்' படம் கூட கடந்த வாரம் ஓடிடி தளத்தில் வெளியாகிவிட்டது. விரல் விட்டு எண்ணக் கூடிய ஒரு சில தியேட்டர்களில் மட்டும் ஓரிரு காட்சிகளாக ஓடிக் கொண்டிருக்கிறது. அதற்குப் பிறகு வந்த பல நேரடி தமிழ்ப் படங்கள் ஓரிரு நாட்களில் தியேட்டர்களை விட்டு தூக்கப்பட்டுவிட்டன. கடந்த வாரம் சிவகார்த்திகேயன் நடித்த 'டான்' படம் கூட வெளிவந்தது. எத்தனை 'டான்'கள் வந்தாலும் 'கேஜிஎப் டான் ராக்கி பாய்' இன்னமும் அசைக்க முடியாத டானாகவே இருக்கிறார். தமிழகத்தில் மட்டும் 125 கோடி வசூலைக் கடந்திருக்கும் என்கிறார்கள்.

கோடை விடுமுறை ஆரம்பமாகியுள்ளதாலும், இன்னமும் ஓடிடி வெளியீடு பற்றிய அதிகாரப்பூர்வ அறிவிப்பு வரவில்லை என்பதாலும் இந்த வாரமும் 'கேஜிஎப் 2' தாக்குப்பிடிக்கும் என்றே கோலிவுட் வட்டாரங்கள் தெரிவிக்கின்றன.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  மன வருத்ததுடன் பாலிவுட் பக்கம் கவனத்தை திருப்பும் ராஷி கண்ணா ; காரணம் ...
• 
  பிளாஷ்பேக்: ஒரே மாதிரியான கதை... வென்றவர் பி ஆர் பந்துலு... வீழ்ந்தவர் கவிஞர் ...
• 
  பொதுவெளியில் எப்படி பேசுவது என்று எனக்குத் தெரியவில்லை ; விநாயகன் பளிச்
• 
  தென்னிந்திய படங்களை தவிர்ப்பது ஏன் ? மனம் திறந்த சுனில் ஷெட்டி
• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்