Dinamalar

முதன் முறையாக ஆக்ஷனில் அதிரடி காட்டும் மோகன்

கர்நாடகத்தை சேர்ந்தவரான மோகன் கன்னட படங்களில் நடித்து வந்தார். அவரை மூடுபனி படத்தின் மூலம் தமிழுக்கு அழைத்து வந்தார் பாலுமகேந்திரா. மகேந்திரன் இயக்கிய நெஞ்சத்தை கிள்ளாதே அவரை பெரிய நட்சத்திரமாக்கியது. கிளிஞ்சல்கள், பயணங்கள் முடிவதில்லை, அந்த சில நாட்கள், இளமைகாலங்கள், கோபுரங்கள் சாய்வதில்லை, உதயகீதம் என மோகன் நடித்த படங்கள் வெற்றிப் படங்களாக அமைந்தன. தமிழ் ரசிகர்கள் அவரை வெள்ளிவிழா நாயகன் என்ற புகழவும் செய்தார்கள். மைக் மோகன் என்று கிண்டலும் செய்தார்கள்.

பெரும்பாலும் மோகன் காதல் மற்றும் குடும்ப படங்களில்தான் நடித்திருக்கிறார். பக்கா ஆக்ஷன் ஹீரோவாக நடித்தில்லை. 14 ஆண்டுகளுக்கு முன்பு சுட்டபழம் என்ற படத்தில் நடித்தார். அதுதான் அவர் கடைசியாக நடித்தது. இப்போது தனது அடுத்த ரவுண்டை ஹரா என்ற படத்தின் மூலம் தொடங்கி இருக்கிறார். அதுவும் ஆக்ஷன் ஹீரோவாக.

கோயம்புத்தூர் எஸ் பி மோகன் ராஜ் மற்றும் ஜி மீடியா ஜெயஸ்ரீ விஜய் தயாரிப்பில், விஜய் ஸ்ரீ இயக்கத்தில் இந்த படம் உருவாகிறது. இரண்டு கட்டப் படப்பிடிப்பு நிறைவடைந்துள்ள நிலையில், மூன்றாம் கட்டப் படப்பிடிப்பு விரைவில் தொடங்குகிறது. படத்தை தீபாவளிக்கு வெளிக்கொண்டு வர திட்டமிட்டு பணியாற்றி வருகிறார்கள்.

• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்
• 
  'பிக் பாஸ்' ஹிந்தி, சீசன் 19 ஆரம்பம்
• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...

• 
  மீண்டும் இணைந்த பிரபுதேவா, வடிவேலு
• 
  சமந்தாவின் ‛மா இண்டி பங்காரம்' எப்போது துவங்குகிறது
• 
  ‛கேஜிஎப்' நடிகர் தினேஷ் மங்களூரு மறைவு
• 
  அந்த 7 நாட்கள் படத்தில் மந்திரியாக நடிக்கிறார் கே.பாக்யராஜ்
• 
  ராம் சரண் படத்தில் நடிக்க மறுத்த சுவாசிகா