Dinamalar

சினிமாவில் 20 ஆண்டுகள் நிறைவு : நன்றி தெரிவித்த தனுஷ்

ஹாலிவுட் சினிமா வரை சென்று இந்திய அளவில் ரசிகர்களை பெற்றுள்ள நடிகராக உயர்ந்துள்ள தனுஷ் திரைத்துறையில் நுழைந்து 20 ஆண்டுகள் நிறைவடைந்துள்ளதையடுத்து. அவர் உணர்வுப்பூர்வமான நன்றி கடிதம் ஒன்றை வெளியிட்டுள்ளார்.

அதில் கூறியதாவது : "அனைவருக்கும் வணக்கம் இந்தத் திரையுலகில் நான் என் வாழ்க்கையைத் தொடங்கி இரண்டு தசாப்தங்கள் ஆகின்றன என்பதை என்னால் நம்ப முடியவில்லை. நான் துள்ளுவதோ இளமை தொடங்கும் போது நான் இவ்வளவு தூரம் வருவேன் என்று கனவில் கூட நினைக்கவில்லை, கடவுள் கருணை காட்டியுள்ளார். தொடர் அன்பிற்கும் ஆதரவிற்கும் எனது ரசிகர்களுக்கு என்னால் நன்றி என்ற சொல்லில் முடித்துவிட முடியாது. நீங்கள் எனது பலத்தின் தூண்கள், உலகெங்கிலும் உள்ள சினிமா ஆர்வலர்கள் தங்கள் நிபந்தனையற்ற அன்பை என் மீது பொழிந்ததற்காக நன்றி தெரிவிக்க விரும்புகிறேன்.

அனைத்து பத்திரிக்கை, ஊடகங்களுக்கு எனது மனமார்ந்த நன்றிகள். இன்று என்னுடன் பணியாற்றிய அனைத்து இயக்குனர்கள் மற்றும் தயாரிப்பாளர்களுக்கு நன்றி. அண்ணன் மற்றும் இயக்குனர் செல்வராகவனுக்கு நன்றி. ஏன் என்று உங்கள் அனைவருக்கும் தெரியும்! என்னுள் இருக்கும் நடிகரை அடையாளம் காட்டிய என் தந்தை கஸ்தூரி ராஜாவுக்கு நன்றி. இறுதியாக நான் என் அம்மாவிற்கு நன்றி கூறுகிறேன், அவருடைய அன்றாட பிரார்த்தனைகள் தான் என்னைப் பாதுகாத்து என்னை இவ்வளவு தூரம் கொண்டு வந்தன. அவர் இல்லாமல் நான் ஒன்றுமில்லை. மற்ற காரியங்களில் மும்முரமாக இருக்கும் அந்தத் தருணம் தான் வாழ்க்கை என்று எங்கோ படித்திருக்கிறேன். என்னால் ஒத்துக்கொள்ள முடியாது.

இந்த ஒரு வாழ்க்கையை அர்த்தமுள்ளதாக்குவோம். அதை எண்ணிப்பார்ப்போம். எண்ணம் போல் வாழ்க்கை, அன்பைப் பரப்புங்கள், ஓம் நமசிவாய".

என குறிப்பிட்டுள்ளார் .

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  மன வருத்ததுடன் பாலிவுட் பக்கம் கவனத்தை திருப்பும் ராஷி கண்ணா ; காரணம் ...
• 
  பிளாஷ்பேக்: ஒரே மாதிரியான கதை... வென்றவர் பி ஆர் பந்துலு... வீழ்ந்தவர் கவிஞர் ...
• 
  பொதுவெளியில் எப்படி பேசுவது என்று எனக்குத் தெரியவில்லை ; விநாயகன் பளிச்
• 
  தென்னிந்திய படங்களை தவிர்ப்பது ஏன் ? மனம் திறந்த சுனில் ஷெட்டி
• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்