Dinamalar

பான்-இந்தியா ஆசையில்லை, மகேஷ்பாபு அதிரடி

தெலுங்குத் திரையுலகத்தில் இருந்து அடுத்தடுத்து பான்-இந்தியா நடிகர்கள் உருவாகி உள்ளார்கள். பிரபாஸ், அல்லு அர்ஜுன், ஜுனியர் என்டிஆர், ராம்சரண் ஆகியோர் இப்போது இந்திய அளவிலும், ஹிந்தி ரசிகர்களிடமும் பிரபலமாகிவிட்டார்கள். கன்னட நடிகரான யஷ் கூட அவர்கள் வரிசையில் சேர்ந்துவிட்டார்.

ஆனால், தெலுங்கின் டாப் நடிகர்களில் ஒருவரான மகேஷ் பாபு தனக்கு அந்த ஆசையில்லை என தெரிவித்துள்ளார். அவர் நடித்து மே 13ம் தேதி வெளிவர உள்ள 'சர்க்காரு வாரி பாட்டா' படத்தின் பிரமோஷன் நிகழ்வின் போது அவர் பேசுகையில், “தெலுங்கில் மட்டுமே எப்போதும் நடிக்க ஆசை. அதை இந்தியா முழுவதும் உள்ள மக்கள் பார்த்து ரசிக்கட்டும். இப்போது அது நடக்கும்போது நான் மிகவும் மகிழ்ச்சியாக இருக்கிறேன்.

பாலிவுட்டில் எனக்கு வாய்ப்பளிக்க மாட்டார்கள். அதனால், நான் நேரத்தை வீணாக்க விரும்பவில்லை. இங்கு தெலுங்கில் எனக்குக் கிடைக்கும் அன்பு, நட்சத்திர அந்தஸ்து ஆகியவை நிறைவாக கிடைக்கும் போது வேறு திரையுலகத்திற்கு செல்ல எண்ணவில்லை. இங்கு படத்தில் நடித்து அது பெரிய அளவில் பேசப்படட்டும். நான் நினைத்தது இப்போது நிஜத்தில் நடந்து கொண்டிருக்கிறது,” என்று தெரிவித்துள்ளார்.

மகேஷ் பாபு அப்படி பேசியிருந்தாலும் அடுத்து ராஜமௌலியின் இயக்கத்தில் அவர் நடிக்க உள்ள படம் பான்--இந்தியா படமாகத்தான் உருவாக உள்ளது.

• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு

• 
  'டியூட்' மீது அதிக நம்பிக்கை வைத்துள்ள குழு
• 
  திருமணமா.. அப்படியே ஹனிமூனையும் சொல்லிடுங்க..!: திரிஷா கிண்டல்
• 
  புதுவை முதல்வருடன் தயாரிப்பாளர்கள் சந்திப்பு
• 
  போலி சாமியாராக நட்டி
• 
  ரஜினி பெயரில் புதிய படம்