Dinamalar

இசை ஆல்பத்தில் அம்மு அபிராமி

நாயகியின் தோழி, நாயகனின் தங்கை வேடங்களில் நடித்து வந்தவர் அம்மு அபிராமி. ராட்சசன், துப்பாக்கி முனை படங்களில் சிறுமியாக நடித்து புகழ்பெற்றார். அசுரன் படத்தில் தனுசுசின் பிளாஷ்பேக் காதலியாக நடித்திருந்தார். தற்போது அவர் நடித்துள்ள யானை, கண்ணகி, நிறங்கள் மூன்று, கனவு மெய்ப்பட, யார் இவர்கள் உள்ளிட்ட படங்கள் வெளிவர வேண்டியது இருக்கிறது.

இந்த நிலையில் போகாதே என்ற இசை ஆல்பத்தில் நடித்துள்ளார். திரைப்படங்களுக்கு பிஸியாக இசையமைத்து வரும் சி சத்யா, முதன்முறையாக இந்த இசை ஆல்பத்துக்கு இசை அமைத்துள்ளார்.

இயற்கையின் பின்னணியில் உருவாக்கப்பட்டுள்ள இந்தப் பாடல் காதலின் ஆழத்தை வெளிப்படுத்தி அன்பை விதைக்கும் நோக்கத்துடன் அமைந்துள்ளது. 2021ம் ஆண்டு வெளியான தீதும் நன்றும் திரைப்படத்தை இயக்கிய ராசு ரஞ்சித் இயக்கியுள்ளார்.

லாவரதன் பாடல் வரிகளை எழுதியுள்ளார். பிரபல இந்தி பாடகரும் சல்மான் கான் நடித்த ரேஸ் 3 படத்தின் இசை அமைப்பாளர்களில் ஒருமான ஷிவாய் வியாஸ் பாடியுள்ளார். அம்மு அபிராமியின் பிறந்த நாளான நேற்று (மார்ச் 16) இந்த ஆல்பம் வெளியிடப்பட்டது.

• 
  3 நாயகிகள் இணையும் 'தி வைவ்ஸ்'
• 
  ஆக்ஷன் படங்கள் பண்ண ஆசை : திரிப்தி திம்ரி
• 
  100 கோடி வசூலைக் கடந்த 'சாயரா'
• 
  சைனீஸ் உணவு சாப்பிட்டு விட்டு முத்தமிட வந்த நடிகரிடம் வித்யா பாலன் கேட்ட ...
• 
  வார் 2 படத்தின் டிரைலர் ரிலீஸ் தேதி அறிவிப்பு

• 
  ரூ.5.9 கோடி சொத்து ஆவணம் தாக்கல் செய்யுங்க : ரவி மோகனுக்கு ஐகோர்ட் ...
• 
  கட்டுப்படுத்த முடியவில்லை, நிறைய பரோட்டா சாப்பிட்டேன் : நித்யா மேனன்
• 
  இந்தியாவில் மட்டும் ரூ.100 கோடி வசூலைக் குவித்த ‛எப் 1'
• 
  இட்லி கடை படத்தின் முதல் பாடலின் அப்டேட் தந்த ஜி.வி.பிரகாஷ்
• 
  'பிளாக்மெயில்' புதுவித அனுபவமாக அமைந்தது : தேஜூ அஸ்வினி