Dinamalar

பஹத் பாசிலை விட சிறந்த சீனியர் நடிகர்கள் இருக்கிறார்கள் : வைரலாகும் மோகன்லால் பதில்

மலையாளத்தில் மோகன்லால் நடிப்பில் இரண்டு மாதங்களுக்கு முன்பு வெளியான தொடரும் திரைப்படம் மிகப்பெரிய வெற்றியை பெற்றது. இதனை அடுத்து இயக்குனர் சத்யன் அந்திக்காடு இயக்கத்தில் கிட்டத்தட்ட 10 ஆண்டுகளுக்குப் பிறகு அவர் நடித்திருக்கும் ஹிருதயபூர்வம் திரைப்படம் வரும் ஆகஸ்ட் மாதம் ரிலீசுக்கு தயாராகி வருகிறது. இந்த படத்தில் கதாநாயகியாக மாளவிகா மோகனன், முக்கிய வேடத்தில் ‛பூவே உனக்காக' சங்கீதா மற்றும் பிரேமலு நடிகர் சங்கீத் பிரதாப் ஆகியோர் நடித்துள்ளனர். சமீபத்தில் இந்த படத்தின் டீசர் வெளியானது.

இதில் மோகன்லால் கல்லூரி பேராசிரியர் கதாபாத்திரத்தில் நடிக்கிறார் என்றே தெரிகிறது. அவரிடம் ஒரு மாணவன் நீங்கள் கேரளாவை சேர்ந்தவரா, ? உங்களுக்கு பஹத் பாசில் தெரியுமா ? அவர்தான் எனக்கு பிடித்த நடிகர், மிகச்சிறந்த நடிகர் என்று கூறுகிறார். உடனே மோகன்லால் பஹத் பாசிலா ? அவரை விட சிறந்த சீனியர் நடிகர்களும் இருக்கிறார்கள் என்று சொல்ல, இல்லை இல்லை பஹத் பாசில் தான் சிறந்த நடிகர் என்று அவர் கூறுவது போல டிரைலரில் ஒரு காட்சி இடம் பெற்றுள்ளது.

இந்த காட்சி தற்போது வைரலாகி வருகிறது. இதையடுத்து மோகன்லால் படத்தில் பஹத் பாசில் பெயர் இடம் பெற்றிருப்பது குறித்து சில ரசிகர்கள் சந்தோஷத்தையும், சில ரசிகர்களோ அவரை விட சிறந்த சீனியர் நடிகர் இருக்கிறார்கள் என மோகன்லால் சொன்னதால் தங்களது விமர்சனத்தையும் மாறி மாறி கமென்ட்டில் வெளிப்படுத்தி வருகிறார்கள்.

• 
  செப்டம்பர் 12ல் நெட்பிளிக்சில் வெளியாகும் சாயாரா!
• 
  ‛லோகா சாப்டர் 1 ; சந்திரா' படத்துக்கு பிரியங்கா சோப்ரா பாராட்டு
• 
  நடிகைகளை வைத்து பாலியல் தொழில் : பாலிவுட் நடிகை கைது
• 
  ரூ.60 கோடி மோசடி வழக்கு : நடிகை ஷில்பா ஷெட்டிக்கு எதிராக லுக் அவுட் நோட்டீஸ்
• 
  அக்டோபர் முதல் வாரத்தில் நெட்பிளிக்ஸில் வெளியாகும் ‛வார்-2'

• 
  த்ரிவிக்ரம், வெங்கடேஷ் படத்தில் இணையும் இளம் நாயகி!
• 
  அடுத்தடுத்து 100 கோடி வசூல் படங்கள் ; உற்சாகத்தில் பிரேமலு ஹீரோ
• 
  நடிகர் சங்க தேர்தலில் ஏன் போட்டியிடவில்லை ? நடிகை ஊர்வசி விளக்கம்
• 
  100வது படத்துடன் ஓய்வு பெறுகிறேனா ? இயக்குனர் பிரியதர்ஷன் தெளிவான பதில்
• 
  2ம் பாகத்திற்கு கதை எழுதுகிறேன் : தொடரும் பட இயக்குனர் வைத்த சஸ்பென்ஸ்