Dinamalar

உங்களை ஏமாற்ற மாட்டேன் லாலேட்டா : மோகன்லால் மகளை அறிமுகப்படுத்தும் இயக்குனர் உறுதி

நடிகர் மோகன்லாலின் மகன் பிரணவ், இயக்குனர் ஜீத்து ஜோசப்பிடம் உதவி இயக்குனராக பணியாற்றி விட்டு, அதேசமயம் டைரக்ஷன் துறையில் நுழையாமல் தன் தந்தையைப் போல நடிகராக மாறி தற்போது படங்களில் ஹீரோவாக நடித்து வருகிறார். இதனைத் தொடர்ந்து சற்றும் எதிர்பாராத விதமாக மோகன்லாலின் மகள் விஸ்மாயாவும் தற்போது திரையுலகில் ஒரு நடிகையாக தனது பயணத்தை துவங்கியுள்ளார்.

இவர் அறிமுகமாகும் படத்திற்கு தொடக்கம் என டைட்டில் வைக்கப்பட்டுள்ளது. இந்த படத்தை 2018 படத்தை இயக்கிய ஜூட் ஆண்டனி ஜோசப் இயக்குகிறார். இந்த பட வாய்ப்பு தனக்கு கிடைத்தது குறித்து தனது மகிழ்ச்சியை பகிர்ந்து கொண்டுள்ளார் ஜூட் ஆண்டனி ஜோசப்.

இதுகுறித்து வெளியிட்டுள்ள பதிவில், ‛‛லாலேட்டனையும், சுசித்ரா சேச்சியையும் சந்தித்து பேசும்போது அவர்கள் கண்களில் நம்பிக்கை மின்னுவதை நான் பார்த்தேன். நிச்சயமாக உங்களை ஏமாற்ற மாட்டேன் லாலேட்டா. இது ஒரு பெரிய படம் எல்லாம் இல்லை. சின்ன படம் தான். நான் எப்போதுமே எனது இதயத்துக்கு நெருக்கமான படங்களையே செய்து இருக்கிறேன். இதுவும் அதிலிருந்து வித்தியாசப்படாது. ஆண்டனி சேட்டா (தயாரிப்பாளர்) இது அடுத்தடுத்து இன்னும் பல படங்களில் நாம் இணைந்து பணியாற்றுவதற்கு ஒரு உண்மையான தொடக்கமாக இருக்கட்டும். நம் அன்பான ரசிகர்கள் நம்முடன் இருப்பார்கள் என்று நான் உறுதியாக நம்புகிறேன்” கூறியுள்ளார்.

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...

• 
  தெலுங்கு படமாக இருந்தாலும் கன்னடத்துக்கு முக்கியத்துவம் வேண்டும் : ...
• 
  பிரித்விராஜ் படத்தை ஓவர்டேக் செய்யும் சிறிய நடிகரின் படம்
• 
  சிறையில் இருக்கும் நிலையில் நடிகர் தர்ஷினின் பட ரிலீஸ் தேதி அறிவிப்பு
• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை