லோகேஷ் கனகராஜ் பாணியில் ரசிகர்களுக்கு கோரிக்கை வைத்த ரவிதேஜா பட இயக்குனர்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

14 ஆக, 2024 - 06:06 IST

எழுத்தின் அளவு:

தெலுங்கில் ரவிதேஜா கதாநாயகனாக நடித்துள்ள மிஸ்டர் பச்சன் என்கிற திரைப்படம் வரும் ஆகஸ்ட் 15ம் தேதி வெளியாக இருக்கிறது. இந்த படம் கடந்த 2018ல் ஹிந்தியில் அஜய் தேவ்கன் நடிப்பில் வெளியாகி சூப்பர்ஹிட் ஆன ரெய்டு படத்தின் ரீமேக்காக உருவாகியுள்ளது. படம் துவங்கும்போதே இது அதிகாரப்பூர்வமாகவும் அறிவிக்கப்பட்டு விட்டது. அதே சமயம் படத்தின் இயக்குனரான ஹரிஷ் சங்கர் இதன் ரீமேக் உரிமையை நாங்கள் வாங்கி இருந்தாலும் கிட்டத்தட்ட தெலுங்கு ரசிகர்களுக்கு ஏற்றது போல புத்தம் புதிதாக காட்சிகளை உருவாக்கியுள்ளோம். ரீமேக் படம் பார்த்தது போலவே இருக்காது என்று கூறி வருகிறார்.

இருந்தாலும் இவர் ஏற்கனவே இரண்டு ரீமேக் படங்களை இயக்கியதால் இந்தப் படத்தையும் அதேபோல காட்சிக்கு காட்சி எடுத்து வைத்திருப்பார் என்று சோசியல் மீடியாவில் பலரும் கமெண்ட் பதிவிட்டு வருகிறார்கள். இதனால் ரொம்பவே வருத்தத்திற்கு ஆளான ஹரிஷ் சங்கர், “வேண்டுமென்றால் இந்த படம் பார்க்க வருவதற்கு முன்பாக ஹிந்தியில் வெளியான ரெய்டு படத்தையும் ஒரு தடவை பார்த்துவிட்டு வாருங்கள் அப்போதுதான் அதிலிருந்து இந்த படத்தை நாங்கள் எவ்வளவு வித்தியாசப்படுத்தி புதிதாக எடுத்திருக்கிறோம்” என்பதை நீங்கள் தெரிந்து கொள்ள முடியும் என்று அழாத குறையாக வேண்டுகோள் வைத்து இருக்கிறார்.

கமல் நடித்த விக்ரம் படம் வெளியான போது கூட இயக்குனர் லோகேஷ் கனகராஜ் படம் பார்க்க வரும் ரசிகர்களை தனது கைதி படத்தை ஒரு முறை பார்த்துவிட்டு விக்ரம் படம் பார்க்க வாருங்கள் என்று கோரிக்கை வைத்ததை போலவே தற்போது இயக்குனர் ஹரிஷ் சங்கரும் ரசிகர்களுக்கு கோரிக்கை வைத்துள்ளார்.

Raviteja

கருத்துகள் (0) கருத்தைப் பதிவு செய்ய

லேட்டானாலும் லேட்டஸ்ட் : பஹத் ...

காமெடி வெர்ஷனாக வெளியாகும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய