Dinamalar

கோப்ரா நடிகருக்கு அஜய் ஞானமுத்து புகழாரம்

பிரித்விராஜ் நடிப்பில் மலையாளத்தில் வெளியான 'கூடே' என்கிற படத்தில் நஸ்ரியாவின் காதலராக நடித்தவர் ரோஷன் மேத்யூ. நிவின்பாலியுடன் இவர் இணைந்து நடித்த 'மூத்தோன்' படத்தில் ஓரினச்சேர்க்கையாளராக நடித்து அதிரவைத்தார். அந்தப்படத்தை பார்த்துவிட்டு பாலிவுட் இயக்குனர் அனுராக் காஷ்யப்,. தான் இந்தியில் இயக்கிய 'சோக்ட்' என்கிற படத்திலும் இவருக்கு ஒரு முக்கியமான கதாபாத்திரத்தை கொடுத்தார். சில மாதங்களுக்கு முன்பு மலையாளத்தில் ப்ரித்விராஜ் நடிப்பில் வெளியான குருதி என்கிற படத்திலும் இரண்டாவது கதாநாயகனாக நடித்திருந்தார் ரோஷன் மேத்யூ..

இது ஒரு பக்கமிருக்க தமிழில் அஜய் ஞானமுத்து டைரக்சனில் விக்ரம் நடித்துவரும் படம் 'கோப்ரா' படத்திலும் முக்கிய கதாபாத்திரம் ஒன்றில், ரோஷன் மேத்யூ நடித்துள்ளார். முதலில் இந்த கேரக்டரில் மலையாள இளம் நடிகர் ஷேன் நிகம் என்பவர் தான் நடிக்க ஒப்பந்தமாகி இருந்தார். ஆனால் அவர் மலையாளத்தில் தயாரிப்பாளர் ஒருவருடன் மோதல் போக்கை கடைபிடித்து, ரெட்கார்டு போடும் அளவுக்கு பிரச்சனை பெரிதானதால், அவரை நீக்கிவிட்டு அவருக்கு பதிலாக ரோஷன் மேத்யூ. ஒப்பந்தம் ஆனார்.

தற்போது படப்பிடிப்பு முடிந்துள்ள நிலையில் ரோஷன் மேத்யூவின் நடிப்பு குறித்து சிலாகித்து பதிவிட்டுள்ளார் இயக்குனர் அஜய் ஞானமுத்து. “ரோஷன் மேத்யூ.. உங்களைப் போன்ற வரமாக கிடைத்த நடிகருடன் பணி புரிந்தது இனிமையான அனுபவம்.. நிஜமாகவே நீங்கள் அற்புதமான மனிதர். உங்களுடைய காட்சிகளை திரையில் பார்க்க ஆவலாக காத்திருக்கிறேன்” என்று குறிப்பிட்டுள்ளார் அஜய் ஞானமுத்து

• 
  149 நாட்கள் : வார் 2 படப்பிடிப்பை நிறைவு செய்த ஹிருத்திக் ரோஷன்
• 
  ‛ஆப் ஜெய்சா கோய்' படத்தில் என் கேரக்டர் சவாலானது : மாதவன்
• 
  தெலுங்கானாவில் ஸ்டுடியோ அமைக்க அஜய் தேவ்கன் ஆர்வம்
• 
  40 வயது ரன்வீர் சிங் ஜோடி 20 வயது சாரா : ரசிகர்கள் கமெண்ட்ஸ்
• 
  அஜித் தோவல் வேடத்தில் மாதவன்

• 
  அறிமுக இயக்குனர் டைரக்ஷனில் 365வது படத்தை அறிவித்த மோகன்லால்
• 
  லாபத்தில் பங்கு: விசாரணைக்கு பின் தெளிவுபடுத்திய 'மஞ்சும்மேல் பாய்ஸ்' ...
• 
  பழம்பெரும் தெலுங்கு சினிமா பாடலாசிரியர் சிவசக்தி தத்தா மறைவு: இவர் ...
• 
  நீதிமன்ற உத்தரவுப்படி போலீஸ் விசாரணைக்கு நேரில் ஆஜரான மஞ்சும்மேல் ...
• 
  96 வயது ரசிகரின் விருப்பத்தை நிறைவேற்றிய மோகன்லால்