Dinamalar

மலையாள படத்தின் ஹிந்தி ரீமேக் : இயக்குனர் மறைந்து ஒரு வருடம் கழித்து வெளியாகும் படம்

கடந்த 2023ல் மலையாளத்தில் குறைந்த பட்ஜெட்டில் வெளியான ஹாரர் திரில்லர் படம் ரோமாஞ்சம். அந்த வருடத்தின் மலையாளத் திரையுலகில் முதல் 50 கோடி வசூலித்த படம் என்கிற பெருமையை இந்த படம் பெற்றது. பஹத் பாசில் நடிப்பில் சில மாதங்களுக்கு முன்பு வெளியாகி மிகப்பெரிய வெற்றியைப் பெற்ற ஆவேசம் படத்தின் இயக்குனர் ஜித்து மாதவன் இயக்கியிருந்தார். இந்த படத்தின் வெற்றியைத் தொடர்ந்து இதனை ஹிந்தியில் ரீமேக் செய்ய விரும்பிய பிரபல இயக்குனர் சங்கீத் சிவன், ‛கப்கபி' என்கிற பெயரில் ரீமேக் செய்தார்.

பிரபல ஒளிப்பதிவாளர் சந்தோஷ் சிவனின் சகோதரர் தான் சங்கீத் சிவன். மலையாளத்திலும் ஹிந்தியிலும் பல படங்களை இயக்கியுள்ளார். கடந்த ஜூன் மாதமே இந்த படம் வெளியாகும் என சொல்லப்பட்டது. அதேசமயம் துரதிர்ஷ்டவசமாக கடந்த வருடம் மே மாதம் சங்கீத் சிவன் எதிர்பாராத விதமாக காலமானார். இதனை தொடர்ந்து சில காலமாக தேங்கிக் கிடந்த இந்த படம் தற்போது வரும் மே 24ஆம் தேதி வெளியாக இருக்கிறது. பொதுவாக மலையாள திரைப்படங்கள் ஹிந்தியில் ரீமேக் ஆகும்போது வெற்றியை பெற தவறிவரும் நிலையில் இந்த கப்கபி திரைப்படம் புதிய முன்னுரையை எழுதுமா? பார்க்கலாம்.

• 
  இசையமைப்பாளர் இளையராஜா அலுவலகத்திற்கு வெடிகுண்டு மிரட்டல்
• 
  பூஜா ஹெக்டேவின் பிறந்த நாளில் 'ஜனநாயகன்' படக்குழு வெளியிட்ட போஸ்டர்!
• 
  'டியூட்' படத்திற்காக இரவு முழுக்க தூங்காமல் பயிற்சி எடுத்த மமிதா பைஜு!
• 
  அல்லு அர்ஜுனை தொடர்ந்து 'கேஜிஎப்' நாயகன் யஷை இயக்கும் அட்லி!
• 
  ரஜினியின் அடுத்த படத்தை தயாரிப்பது யார்?

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்