Dinamalar

அடுத்தும் தோல்வியைச் சந்தித்த அக்ஷய்குமார்

ஒரு காலத்தில் டாப் வசூல் நடிகராக இருந்தவருக்கு இப்படி ஒரு நிலைமை வரவே கூடாது. ஹிந்தித் திரையுலகத்தில் சில வருடங்களுக்கு முன்பு வரை தொடர்ந்து பல வெற்றிகளைக் கொடுத்தவர் அக்ஷய் குமார். ஆனால், கடந்த சில வருடங்களாக தொடர்ந்து தோல்விகளையே கொடுத்து வருகிறார். இது பாலிவுட்டிலும், ரசிகர்களிடத்திலும் பெரும் அதிர்ச்சியை ஏற்படுத்தியுள்ளது.

2020ல் ராகவா லாரன்ஸ் இயக்கத்தில் அக்ஷய் குமார் நடித்து வெளிவந்த 'காஞ்சனா' படத்தின் ஹிந்தி ரீமேக்கான 'லட்சுமி' படத்தில் ஆரம்பமான இறங்குமுகம் இன்றுவரை தொடர்ந்து வருகிறது. அதற்குப் பின் அக்ஷய் நடிப்பில் வந்த 12 படங்களில் 'சூர்யவன்ஷி, ஓ மை காட்' படங்கள் மட்டுமே வசூல் ரீதியாக வெற்றி பெற்றது. 10 படங்கள் தோல்வியடைந்தது, சில படங்கள் படுதோல்வியடைந்தது. ஓடிடியில் வெளிவந்த 'அத்ராங்கி ரே' நல்ல விமர்சனங்கள் கிடைத்தது.

கடந்த மாதம் வெளியான 'சூரரைப் போற்று' ஹிந்தி ரீமேக் படுதோல்வியடைந்த நிலையில், கடந்த வாரம் வெளியான 'கேல் கேல் மெய்ன்' படமாவது ஓடிவிடும் என எதிர்பார்த்தார்கள். அந்தப் படமும் தோல்வியைத் தழுவியுள்ளது. கடந்த ஐந்து நாட்களில் 25 கோடிக்கும் குறைவாகவே வசூலித்துள்ளதாக பாக்ஸ் ஆபீஸ் வட்டாரங்கள் தெரிவிக்கின்றன.

அக்ஷயின் அடுத்த படமாக 'ஸ்கை போர்ஸ்' படம் அக்டோபர் 2ம் தேதி வெளியாக உள்ளது. இப்படத்திற்கு ஜிவி பிரகாஷ் இசையமைக்கிறார்.

• 
  காதல் தோல்வி ரோல் ஏன்: தனுஷ் கேள்வி
• 
  மீண்டும் இயக்குனராக களமிறங்கும் பிரபுதேவா!
• 
  ரஜினி பிறந்தநாளில் ‛ஜெயிலர் 2' சர்ப்ரைஸ்!
• 
  மகத் ராகவேந்திரா, ஐஸ்வர்யா ராஜேஷ் இணைந்து நடிக்கும் புதிய படம்!
• 
  இசை பல்கலைக்கழகத்தில் பாடகி மாலதி லக்ஷ்மனுக்கு முக்கிய பொறுப்பு

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது