நடிகைகள் குண்டாக இருக்க கூடாதா? - மஞ்சிமா மோகன் ஆதங்கம்

05 செப், 2021 - 05:12 IST

0 கருத்துகள் கருத்தைப் பதிவு செய்ய

எழுத்தின் அளவு:

குஷ்பு, ஜோதிகா இவர்கள் வரிசையில் கொஞ்சம் பூசினாற் போல் உடல் அமைப்பைக் கொண்ட நடிகைதான் மஞ்சிமா மோகன். இவர் தமிழ் சினிமாவிற்கு சிம்புவுடன் ஜோடி சேர்ந்து அச்சம் என்பது மடமையடா என்ற படத்தின் மூலம் நடித்து அறிமுகமானார். அதன்பிறகு தெலுங்கு, மலையாளம் போன்ற மொழிகளிலும் நடித்துள்ளார். அதன் பின் சில காலம் சினிமாவை விட்டு விலகி இருந்த மஞ்சிமா மோகன், அதற்கு என்ன காரணம் என்பதை தற்போது பேட்டி ஒன்றின் மூலம் தெரிவித்துள்ளார்.

அதில் அவர் கூறியிருப்பது, ‛நடிகைகளும் மனிதர்கள் தான். சாதாரண மனிதர்கள் சந்திக்கும் உடல்-மன ரீதியான பிரச்னைகள் எல்லாம் நாங்களும் சந்திக்கிறோம். ஆனால், எங்களை கிண்டல் செய்பவர்களுக்கு யதார்த்தம் புரிய மாட்டேங்குது. எனக்கு 2019-ம் ஆண்டில் காலில் ஒரு சர்ஜரி நடந்தது. அதற்குப் பிறகு எனக்கு கடுமையான முதுகுவலி, ட்ரீட்மென்ட் என்று நான் அலைந்து கொண்டிருந்தேன். அதில் எனக்கு கொஞ்சம் வெயிட் போட்டு விட்டது. இதனால் பல பேர் என்னை வைத்து சோசியல் மீடியாவில் ட்ரோல் செய்து வந்தார்கள். இது எனக்கு பெரிய மன அழுத்தத்தை கொடுத்தது. ஒரு கட்டத்திற்கு மேல் நான் அதை ஏற்றுக்கொள்ள பழகிவிட்டேன்.

நடிகைகள் என்றால் குண்டாக இருக்க கூடாதா? கொஞ்சம் உடம்பு குறைந்தால் போதும் என்ன உடல் நிலை சரியில்லையா? என்றும் கொஞ்சம் வெயிட் போட்டால் ஏன் இவ்வளவு கொஞ்சம் ஆகிவிட்டீர்கள் என்றும் பல கேள்விகளை சோசியல் மீடியாவில் ட்ரோல் செய்து வருகிறார்கள். இதெல்லாம் பாதிக்கக்கூடாது என்பதற்காக நான் என்னை சமாதானம் செய்து கொண்டேன். அதற்க்காக நான் இப்படித்தான் இருப்பேன் என்று சொல்ல வரவில்லை. எந்த படத்திற்கு எப்படி இருக்க வேண்டுமோ அந்த படத்திற்கு ஏற்ற மாதிரி உடல் பருமனை மாற்றிக் கொள்வது ஒன்றும் தவறில்லை. இப்போது நான் வெயிட் லாஸ் முயற்சிகளை தீவிரமாக செய்துவருகிறேன். இவ்வாறு மஞ்சிமா மோகன் கூறினார்.

Manjima Mohan

Fat

Heroines

Open Talk

கருத்துகள் (0) கருத்தைப் பதிவு செய்ய

செப்.,17-ல் வெளியாகும் பிரண்ட்ஷிப்

மாறுபட்ட கதையில் அர்ஜுன், ஐஸ்வர்யா ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய