Dinamalar

மீண்டும் 'என்ட்ரி' கொடுக்கப் போகும் கவுண்டமணி

தமிழ் சினிமாவில் இன்றைய நகைச்சுவை நடிகர்களின் முன்னோடி என்று சொன்னால் அது கவுண்டமணி மட்டுமே. 80, 90, 2கே காலங்களில் அவருடைய நகைச்சுவை என்றாலே தனி சுவாரசியம் தான்.

யாருடன் சேர்ந்து நடித்தாலும் அவரைப் பற்றி அதிகம் பேச வைத்துவிடுவார். அவருடைய கிண்டல், கேலி, கமெண்ட் நகைச்சுவையைத்தான் அவருக்குப் பின் பல நகைச்சுவை நடிகர்கள் பாலோ செய்து வருகிறார்கள்.

இன்று தன்னுடைய பிறந்தநாளைக் கொண்டாடி வருகிறார் கவுண்டமணி. அவருடன் தொலைபேசியில் பேசியதைப் பற்றி இயக்குனர் சுப்பிரமணிய சிவா அவருடைய பேஸ்புக்கில் பகிர்ந்துள்ளார். அதில்,

நகைச்சுவை மாமன்னன் அண்ணன் கவுண்டமணி அவர்களுக்கு இன்று பிறந்தநாள். அண்ணனிடம் போனில் பேசினேன் 3 விஷயம் சொன்னார்.

1) சிவா உடனே கொரானா தடுப்பூசி போட்டுக்க.. நான் போட்டுகிட்டேன் என்றார். என் அம்மாவிடம் போனை கொடுத்தேன், அம்மா நீங்களும் சிவாவும் உடனே தடுப்பூசி போட்டுக்குங்கனு சொன்னார்.

2) தனுஷ் ஹாலிவுட் படத்தில் நடிக்கிறார் அவருக்கு வாழ்த்துக்கள்.

3) எனக்கும் முக்கியம் தரக்கூடிய நல்ல கதை வந்தால் உடனே நடிக்க ஒத்துகுவேன்பா.

அதே கம்பீரம் அண்ணனின் குரலில், விரைவில் அண்ணனை மிக பெரிய நட்சத்திரத்துடன் திரையில் சந்திக்க போகிறோம்..

இறைவனின் திருவருளோடு பல்லாண்டு பல்லாண்டு நலமோடு வாழ்க..” என பதிவிட்டுள்ளார் சிவா.

கவுண்டமணி அடுத்து நடிக்கும் படம் பற்றிய அறிவிப்பு விரைவில் வரலாம் எனத் தெரிகிறது. சில வருடங்களுக்கு முன்பு வெளிவந்து ரசிகர்களிடம் பெரும் வரவேற்பைப் பெற்ற ஒரு படத்தின் இரண்டாவது பாகத்தில் அவர் ரீ-என்ட்ரி கொடுக்கலாம் எனச் சொல்கிறார்கள்.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு