ரவி மோகனுக்கு 2025 பொங்கலில் வந்த ஒரு படம், அடுத்து 2026 பொங்கலுக்கும் ஒரு படம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

19 டிச, 2025 - 12:28 IST

எழுத்தின் அளவு:

சினிமாவில் சில சமயங்களில் சில ஆச்சரியங்கள் நடக்கும். அப்படி ஒரு ஆச்சரியம் ரவி மோகனுக்கு நடக்கப் போகிறது. ஜெயம் ரவியாக இருந்தவர் ரவி மோகன் என தனது பெயரை மாற்றிய பின் இந்த 2025ம் ஆண்டு பொங்கலுக்கு அந்தப் பெயரில் வந்த படமாக 'காதலிக்க நேரமில்லை' படம் இருந்தது. அப்படம் ஒரு சுமாரான வரவேற்பைத்தான் பெற்றது.

அதற்குப் பின் இந்த வருடத்தில் ரவி மோகன் நடித்து எந்தப் படமும் வரவில்லை. ஆனால், 2026 பொங்கலுக்கு அவர் வில்லனாக நடித்துள்ள 'பராசக்தி' படம் வெளியாக உள்ளது. சிவகார்த்திகேயன் தான் படத்தின் கதாநாயகன் என்றாலும் படத்தின் கதைக்காகவும், கதாபாத்திரத்திற்காகவும் நடிக்க சம்மதித்துள்ளார் ரவி மோகன். இப்படத்தின் புரமோஷன்கள் ஏற்கெனவே ஆரம்பித்துவிட்டன.

ரவி மோகன் என பெயரை மாற்றி முதலில் கதாநாயகனாகவும், அடுத்து வில்லனாக நடிக்க சம்மதித்ததும் ஆச்சரியம்தான்.

அடுத்து 'கராத்தே பாபு, ஜீனி, ப்ரோ கோட்' ஆகிய படங்களில் நடித்து வருகிறார் ரவி மோகன். அதோடு யோகி பாபு கதாநாயகனாக நடிக்கும் 'ஆன் ஆர்டினரி மேன்' படத்தின் மூலம் இயக்குனராகவும் அறிமுகமாக உள்ளார். இவற்றில் 'ப்ரோ கோட், ஆன் ஆர்டினரி' ஆகிய படங்களை அவரது சொந்தத் தயாரிப்பாக புதிதாக ஆரம்பித்த ரவி மோகன் ஸ்டுடியோஸ் மூலம் தயாரிக்கிறார். இவை அனைத்தும் அடுத்த ஆண்டில் அடுத்தடுத்து வெளியாகும் என்று எதிர்பார்க்கப்படுகிறது.

Ravimohan

Parasakthi

Sivakarthikeyan

ரவிமோகன்

பராசக்தி

சிவகார்த்திகேயன்

கருத்துகள் (0) கருத்தைப் பதிவு செய்ய

2 நிமிட விளம்பரத்திற்காக தவறான தகவலை ...

ஜனநாயகன் Vs தி ராஜா சாப் - பிரபாஸை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய