Dinamalar

பிளாஷ்பேக் : டைட்டில் போட்டியில் ரஜினிகாந்த், ஸ்ரீகாந்த்

ரஜினிகாந்தை அறிமுகப்படுத்துவதற்கு முன்பு இயக்குனர் பாலச்சந்தரால் அறிமுகப்படுத்தப்பட்டவர் ஸ்ரீகாந்த். சிவாஜி ராவ் என்ற பெயர் பாலச்சந்தருக்கு பிடிக்கவில்லை. காரணம் ஏற்கனவே ஒரு சிவாஜி இருப்பதால் இன்னொரு சிவாஜி வேண்டாம் என்று கருதி அவருக்கும் காந்த் என்று முடிகிற ஒரு பெயரை தேடும் போது, அவரது வழக்கறிஞரான ரஜினிகாந்தின் பெயரையே அவருக்கு வைத்தார்.

இந்த இரண்டு 'காந்த்'ளும் அப்பொழுது வேகமாக வளர்ந்து கொண்டிருந்தார்கள். அவர்களுக்குள் ஒரு போட்டியும் இருந்தது. சில படங்களில் இருவரும் சேர்ந்து நடித்தார்கள். அதில் முக்கியமான படம் 'சதுரங்கம்'. துரை இயக்கிய இந்தப் படத்தில் ரஜினியும் ஸ்ரீகாந்தும் நேர் எதிரான கேரக்டர்களைக் கொண்ட சகோதரர்களாக நடித்தனர் நடித்திருந்தனர்.

படத்தின் டைட்டிலில் யார் பெயரை முதலில் போடுவது என்ற பிரச்னை உருவானது. 'நான் சீனியர் நடிகர் என் பேரைத்தான் முதலில் போட வேண்டும்' என்று ஸ்ரீகாந்த் சொல்ல, 'எனக்குத்தான் ரசிகர்கள் அதிகம், அதனால் என் பெயரை தான் முதலில் போட வேண்டும்' என்று ரஜினிகாந்த் சொல்ல, என்ன செய்வது என்று தெரியாமல் தவித்தார் இயக்குனர் துரை.

இறுதியில் இருவரையும் திருப்திப்படுத்தும் வகையில் ரஜினிகாந்த் என்று டைட்டில் போடும்போது, ஸ்ரீகாந்த் புகைப்படம் இருக்கும். ஸ்ரீகாந்த் என்று டைட்டில் போடும்போது ரஜினிகாந்த் புகைப்படம் இருக்கும். இது இருவருக்குமே திருப்தியை தந்தது.

'பைரவி' படம் வெளிவந்த போதும் இதே பிரச்சனை உருவானது. இருவர் பேரையும் ஒரே கார்டில் போட்டு சமாளித்தார் தயாரிப்பாளர். ஆனால் படத்துக்கு வெளியே தயாரிப்பாளர் தாணு 'சூப்பர் ஸ்டார்' பட்டம் கொடுத்து ஒரே படத்தில் ரஜினியை உயர்த்தி வைத்து விட்டார்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்

• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...

• 
  புது முகங்களின் 'ப்ராமிஸ்'
• 
  துல்கரின் அடுத்த படம் 'ஐ அம் கேம்': தொடர் வெற்றியை தக்க வைப்பாரா?
• 
  'திடுக்' நாயகனான நட்டி
• 
  பன்றியுடன் சண்டை போடக்கூடாது: ஆர்த்தி விமர்சனம்
• 
  பிளாஷ்பேக்: பாலிவுட் படத்தில் நடித்த ஜெமினி கணேசன்