Dinamalar

பிளாஷ்பேக் : சினிமாவான கல்கியின் சமூக கதை

கல்கி கிருஷ்மூர்த்தி எழுதிய 'பொன்னியின் செல்வன்' என்கிற வரலாற்று புதினம் திரைப்படமானது அனைவரும் அறிந்த ஒன்று. பலரின் முயற்சிக்கு பிறகு கடைசியாக மணிரத்னம் அந்த படத்தை இயக்கினார். அது இரண்டு பாகங்களாக வெளிவந்து வெற்றியும் பெற்றது.

ஆனால் கல்கி எழுதிய சமூக கதை ஒன்றும் திரைப்படமானது. அந்த படம் 'பொன்வயல்'. ஏ.டி.கிருஷ்ணசாமி இயக்கிய இந்த படத்தில் டி.ஆர்.ராமச்சந்திரன், அஞ்சலிதேவி, ஆர்.எஸ்.மனோகர், டி.வி.குமுதினி, மைனாவதி, கே.சாரங்கபாணி, டி.பி.முத்துலட்சுமி, வி.கே.ராமசாமி, கே.ஏ.தங்கவேலு, 'புலிமூட்டை' ராமசாமி, பி.டி.சம்பந்தம், டி.ஆர்.பி.ராவ், டி.இ.கிருஷ்ணமாச்சாரி, கே.வி.சீனிவாசன், ராமையா சாஸ்திரி, கே.சீனிவாசன், சந்திரன் மற்றும் பலர் நடித்தனர். துறையூர் ராஜகோபால் சர்மா இசை அமைத்திருந்தார். ஜெயந்தி பிக்சர்ஸ் சார்பில் டி.ஆர்.ராமச்சந்திரன் தயாரித்தார்.

கல்கி தனது வார இதழான கல்கியில் 'பொய்மான் கரடு' என்ற தலைப்பில் ஒரு தொடரை எழுதினார், சேலம் மாவட்டத்தில் ஒரு பரந்த வறண்ட நிலத்தைப் பற்றிய கதை அது, அங்குள்ள ஒரு மலை ஓய்வெடுக்கும் மான் போன்றது, அதனால் அந்த இடத்திற்கு 'பொய்மான் கரடு' என்று பெயர் வந்தது.

அந்த பகுதியில் செங்கோடன் என்ற விவசாயி தனது 10 ஏக்கர் நிலத்தில் விவசாயம் செய்து வாழ்கிறார். தனது இடத்திற்கு அவர் 'பொன்வயல்' என்று பெயர் சூட்டி மகிழ்கிறார். திடீரென அந்த நிலத்திற்கு கீழே பெரும் தங்கபுதையல் இருப்பதாக வதந்தி பரவுகிறது. அதனை எடுக்க பலரும் முயற்சி செய்கிறார்கள். உண்மையில் அங்கு தங்க புதையல் இருந்ததா? அது யார் கைக்கு கிடைத்தது என்பதுதான் படத்தின் கதை. ஆனால் இந்த படம் எதிர்பார்த்த வரவேற்பை பெறவில்லை.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ஒரே ஆண்டில் தமிழில் இரண்டு வெற்றிப் படங்களில் அனுபமா பரமேஸ்வரன்
• 
  மாஸ்க் படத்தின் ரிலீஸ் தேதி அறிவிப்பு
• 
  ஓடிடியில் அடுத்த வாரம் வரும் 'லோகா'
• 
  2025 படங்களில் நம்பர் 1 இடத்தைப் பிடித்த 'காந்தாரா சாப்டர் 1'
• 
  இயக்குனராக மாறிய கருணாஸ் மகன் படம் துவங்கியது : பள்ளிக்கூட பின்னணியில் ...