Dinamalar

லோகேஷை அடுத்து அனிருத்தைப் புகழும் ஏஆர் முருகதாஸ்

தமிழ் சினிமாவில் முன்னணி இசையமைப்பாளர்களில் ஒருவர் அனிருத். தமிழ், ஹிந்தி, தெலுங்கு என மூன்று மொழிகளிலும் அவரது இசை பேசப்படுகிறது. அவர் இசையமைத்த படங்கள் சில சூப்பர் டூப்பர் ஹிட் ஆகியுள்ளன.

சமீபத்திய பேட்டி ஒன்றில் இயக்குனர் லோகேஷ் கனகராஜ், எதிர்காலத்தில் அனிருத் இல்லாமல் படங்களை இயக்க மாட்டேன் என பேசியுள்ளார். அவரை அடுத்து தற்போது இயக்குனர் ஏஆர் முருகதாஸ், அனிருத்தைப் பாராட்டியுள்ளார்.

“பல படங்கள் அனிருத்தின் பின்னணி இசையால் மட்டுமே ஓடுகின்றன. ஆனால், 'மதராஸி' படத்தில் அப்படியில்லை. மற்ற விஷயங்களுடன் சேர்த்து இசையும் ரசிகர்களைக் கவரும் விதத்தில் இருக்கும்,” என்று தெரிவித்துள்ளார்.

சல்மான் நடித்த ஹிந்திப் படமான 'சிக்கந்தர்' என்ற மாபெரும் தோல்விக்குப் பிறகு ஏஆர் முருகதாஸ், 'மதராஸி' படத்தின் வெற்றிக்காகக் காத்திருக்கிறார். சிவகார்த்திகேயன், ருக்மிணி வசந்த் மற்றும் பலர் இப்படத்தில் நடித்துள்ளார்.

மற்ற சில படங்கள் ஓடுவது அனிருத் இசையால் என சொல்லிவிட்டு, தன் படத்திற்கு அதுவும் ஒரு காரணம் என சமாளித்துள்ளார் முருகதாஸ். அவரும், அனிருத்தும் இணைந்த ரஜினிகாந்த் நடித்த 'தர்பார்' படம் தோல்விப் படம்தான். அந்தப் படத்தில் அனிருத்தின் பாடல்கள் கூட ஹிட்டாகவில்லை என்பது குறிப்பிட வேண்டிய ஒன்று.

• 
  அக்டோபர் முதல் வாரத்தில் நெட்பிளிக்ஸில் வெளியாகும் ‛வார்-2'
• 
  நடிகை ஷில்பா ஷெட்டியின் ரெஸ்டாரன்ட் நாளை மூடப்படுகிறது!
• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்
• 
  இயக்குனர் சஞ்சய் லீலா பன்சாலி மீது ராஜஸ்தானில் எப்ஐஆர் பதிவு

• 
  ‛வட சென்னை' பின்னணியில் வெற்றிமாறன் - சிம்பு படம்: அதிகாரப்பூர்வமாக ...
• 
  சிவகார்த்திகேயனின் ‛மதராஸி' படத்தின் டிக்கெட் முன்பதிவு எத்தனை கோடி?
• 
  பைனான்ஸ் பிரச்னை காரணமாக ஜேசன் சஞ்சய் படத்தின் படப்பிடிப்பு நிறுத்தமா?
• 
  தனுஷின் ‛இட்லி கடை' படத்தை வெளியிடும் இன்பன் உதயநிதி!
• 
  நிவின்பாலியின் படங்களை பாராட்டிய பவன் கல்யாண்