ஜிஎஸ்டி வரி நோட்டீஸ்: ஹாரிஸ் ஜெயராஜ் வழக்கு தள்ளுபடி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

11 அக், 2024 - 01:24 IST

எழுத்தின் அளவு:

தமிழ்த் திரையுலகில் இசையமைப்பாளராக இருப்பவர் ஹாரிஸ் ஜெயராஜ். 2018ம் ஆண்டு ஜிஎஸ்டி இணை இயக்குனர் அவருக்கு வரி விதிப்பு குறித்த நோட்டீஸ் ஒன்றை அனுப்பியிருந்தார். அந்த நோட்டீஸ் அனுப்பப்பட்டதை எதிர்த்து 2019ம் ஆண்டில் ஹாரிஸ் வழக்கு ஒன்றைத் தொடர்ந்தார்.

தான் இசையமைக்கும் படங்களுக்கான நிரந்தர உரிமையைத் தயாரிப்பாளர்களுக்குக் கொடுத்துவிட்டதால் தனக்கு ஜிஎஸ்டி வரி விதிக்க முடியாது என்றும், அதனால், அந்த நோட்டீஸை ரத்து செய்ய வேண்டும் என்றும் மனுவில் குறிப்பிட்டிருந்தார்.

அந்த வழக்கை நீதிபதிகள் சுரேஷ்குமார், சரவணன் தள்ளுபடி செய்துள்ளனர். ஜிஎஸ்டி வரி விதிப்பு குறித்த நோட்டீஸை எதிர்த்து வழக்கு தொடர முடியாது. அது குறித்து சம்பந்தப்பட்ட அதிகாரியிடம்தான் முறையிட வேண்டும். அனுப்பப்பட்ட நோட்டீஸூக்கு பதில் அளித்து அதில் ஆட்சேபனைகளைக் குறிப்பிடலாம். அவற்றை நான்கு வாரங்களில் அதிகாரிகள் பரிசீலிக்க வேண்டும் என்றும் நீதிபதிகள் உத்தரவிட்டுள்ளனர்.

திரைப்படத் தயாரிப்பு நிறுவனங்களான வேந்தர் மூவிஸ், உண்டர் பார் பிலிம்ஸ் ஆகிய நிறுவனங்கள் இப்படி தொடர்ந்து வழக்குகளுக்கு பதில் விளக்கம் கேட்டு ஜிஎஸ்டி அதிகாரியிடம் முறையிட வேண்டும் என்ற முந்தைய தீர்ப்புகளையும் நீதிபதிகள் மேற்கோள் காட்டியுள்ளனர்.

Harris Jayaraj

GST

Tax Notice

Case Dismissed

கருத்துகள் (0) கருத்தைப் பதிவு செய்ய

ஹனுமான் இயக்குனர் தயாரிப்பில் ...

சர்ச்சை எதிரொலி! ஆயுத பூஜைக்கு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய