Dinamalar

என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல்

விஜய் சேதுபதி- திரிஷா நடித்த 96 என்ற படத்தை இயக்கிய பிரேம் குமார் தற்போது கார்த்தி, அரவிந்த்சாமி, ஸ்ரீதிவ்யா நடிப்பில் மெய்யழகன் என்ற படத்தை இயக்கியிருக்கிறார். சூர்யாவின் 2டி என்டர்டைன்மென்ட் நிறுவனம் தயாரித்துள்ள இந்த படம் வருகிற 27ஆம் தேதி திரைக்கு வருகிறது. இந்த நிலையில் தற்போது கார்த்தி, அரவிந்த்சாமி, ஸ்ரீதிவ்யா ஆகியோர் இப்படத்தின் புரமோஷன் நிகழ்ச்சிகளில் கலந்து கொண்டு வருகிறார்கள்.
அப்போது கார்த்தி இடத்தில் அவரது அண்ணனான சூர்யா நடித்த ரோலக்ஸ் கேரக்டர் குறித்து விடுக்கப்பட்ட ஒரு கேள்விக்கு, அந்த ரோலக்ஸ் வேடத்தில் என் அண்ணனை பார்த்ததும் சர்ப்ரைஸ் ஆக இருந்தது. என்றாலும் சிறுவயதில் இருந்தே சூர்யாவை அந்த ரோலக்ஸ் கேரக்டரில்தான் நான் பார்த்து வருகிறேன். அதனால் அவர் எவ்வளவு பெரிய வில்லன் என்பது எனக்கு மட்டும்தான் தெரியும் என்று கூறியுள்ளார் கார்த்தி.

• இவரை பற்றி
• செய்திகள்
• ஆல்பம்