Dinamalar

'ஸ்பார்க்' ஆன யுவன் Vs அனிருத் ரசிகர்கள் மோதல்

டிரெண்டிங், வியூஸ் இவை இரண்டு தான் முன்னணி நடிகர்களின் ரசிகர்களுக்குத் தேவையானவை. அவர்களது அபிமான நடிகர்களின் பாடல்கள், டீசர், டிரைலர் ஆகியவை வெளிவந்தால் அவை மற்ற நடிகர்களின் சாதனைகைளை முறியடித்தே ஆக வேண்டும் என நினைப்பார்கள்.

நீண்ட இடைவெளிக்குப் பிறகு விஜய் நடிக்கும் ஒரு படத்திற்கு யுவன் ஷங்கர் ராஜா இசையமைக்கப் போகிறார் என்ற அறிவிப்பு வந்ததும் யுவன் ரசிகர்கள் மகிழ்ந்தார்கள். 21 வருடங்களுக்குப் பிறகு மீண்டும் 'தி கோட்' படத்தில் அக்கூட்டணி இணைந்தது. அஜித்தின் பல படங்களுக்கு இசையமைத்தவர் யுவன். ஆனால், இதுவரையிலும் ரஜினி, கமல் படங்களுக்கு இசையமைக்கவில்லை.

யுவனுக்குப் பிறகு பல வருடங்கள் கழித்து இசையமைப்பாளராக வந்த அனிருத் கூட ரஜினி, கமல் படங்களுக்கு இசையமைத்துவிட்டார். இருந்தாலும் யுவன் அது பற்றி எங்குமே தனது வருத்தத்தைப் பதிவு செய்ததில்லை. இப்போதைய 2கே கிட்ஸ்கள் அனிருத் ரசிகர்களாக இருக்கிறார்கள். அவர்கள் சமீபத்தில் வெளியான 'தி கோட்' படத்தின் மூன்றாவது சிங்கிளான 'ஸ்பார்க்' பாடலை வரவேற்கவில்லை. மாறாக நிறைய டிரோல் செய்தார்கள். இருந்தாலும் பாடல் ஒரு 'ஸ்லோ பாய்சன்' என யுவன் ரசிகர்கள் பதிலடி கொடுத்து வருகிறார்கள்.

தற்போது யு டியூபில் அந்தப் பாடல் 10 மில்லியன் பார்வைகளைக் கடந்துள்ளது. அதே சமயம் அனிருத் இசையில் தெலுங்கில் 'தேவரா' படத்தின் 'சுட்டமல்லே' பாடல் வெளியாகி உள்ளது. அது 13 மில்லியன் பார்வைகளைக் கடந்துள்ளது. இவற்றை வைத்து யுவன் ரசிகர்களும், அனிருத் ரசிகர்களும் சமூக வலைத்தளத்தில் சண்டை போட்டு வருகிறார்கள்.

அனிருத் பல 100 மில்லியன் பாடல்களைக் கொடுத்தாலும் யுவன் மட்டுமே 1500 மில்லியன் பாடலைக் கொடுத்திருக்கிறார் என யுவன் ரசிகர்கள் சொல்லி வருகிறார்கள். அப்படி ஒரு பாடலை அனிருத் தருவாரா என்றும் கேட்கிறார்கள்.

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  அர்ஜுன் தாஸ் ஜோடியாக மமிதா பைஜூ?
• 
  திருவண்ணாமலை கிரிவலப்பாதையில் ரம்யா பாண்டியனுக்கு கிடைத்த பவர்
• 
  லவ் இன்சூரன்ஸ் கம்பெனி படத்தின் அப்டேட் கொடுத்த விக்னேஷ் சிவன்
• 
  விஜய் சேதுபதியை இயக்கும் துரை செந்தில்குமார்
• 
  படையப்பா... ஜெயிலர் 2... ரம்யா கிருஷ்ணன் பகிர்ந்து சுவாரஸ்யம்