Dinamalar

‛குட் பேட் அக்லி' : அஜித் 63 பட தலைப்பு அறிவிப்பு

நடிகர் அஜித் தற்போது மகிழ்திருமேனி இயக்கத்தில் ‛விடாமுயற்சி' படத்தில் நடித்து வருகிறார். நாயகியாக த்ரிஷா நடிக்க, முக்கிய வேடங்களில் அர்ஜூன், ஆரவ் நடிக்கின்றனர். ஆக் ஷன் கதைக் களத்தில் தயாராகி வரும் இந்த படத்தின் பெரும்பகுதி படப்பிடிப்பு அஜர்பைஜான் நாட்டில் நடக்கிறது.

இந்த படத்திற்கு அடுத்தப்படியாக அஜித்தின் 63வது படத்தை ஆதிக் ரவிச்சந்திரன் இயக்குவதாகவும், தெலுங்கு நிறுவனமான மைத்ரி மூவி மேக்கர்ஸ் தயாரிப்பதாகவும் தகவல்கள் வந்தன. இந்நிலையில் இந்த படத்தின் அறிவிப்பை வெளியிட்டுள்ளனர்.

படத்திற்கு ‛குட் பேட் அக்லி' என பெயரிட்டுள்ளதாக போஸ்டர் வெளியிட்டுள்ளனர். தேவிஸ்ரீ பிரசாத் இசையமைக்கிறார். போஸ்டரில் முள் வேலி, துப்பாக்கி போன்ற குறியீடுகள் இடம் பெற்றுள்ளன. இதை பார்க்கையில் இந்தபடமும் ஆக் ஷன் கலந்த கேங்ஸ்டர் படமாக இருக்கலாம் என தெரிகிறது. அடுத்தாண்டு பொங்கல் வெளியீடு என இப்போதே படத்தின் ரிலீஸ் தேதியையும் அறிவித்துள்ளனர்.

சமீபத்தில் காதுக்கு கீழே சிறிய ஆபரேஷன் செய்து கொண்ட அஜித் ஓய்வில் உள்ளார். ‛விடாமுயற்சி' படத்திற்காக மீண்டும் அஜர்பைஜான் பறக்க உள்ளார். ‛விடாமுயற்சி' படத்தை முடித்ததும் ‛குட் பேட் அக்லி' படப்பிடிப்பில் அஜித் கலந்து கொள்ள உள்ளார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  பிளாஷ்பேக் : தோல்வி படத்தை வெற்றிப்படமாக்கிய மாடர்ன் தியேட்டர்ஸ்
• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி