Dinamalar

தெலுங்கை தொடர்ந்து தமிழில் வெளியாக தயாராகும் 'பிரேமலு'

மலையாளத்தில் கடந்த பிப்ரவரியில் ஒவ்வொரு வாரமும் வெளியான படங்கள் ரசிகர்களின் வரவேற்பை பெற்று வெற்றி படங்களாக மாறின. அதிலும் பெரிய முன்னணி நட்சத்திரங்கள் யாரும் இல்லாத நிலையில் வெளியான மஞ்சும்மேல் பாய்ஸ் என்கிற படம் கேரளாவை போலவே தமிழகத் திரையரங்குகளிலும் வெளியாகி அதே அளவு வரவேற்பு மற்றும் வசூலுடன் ஓடிக்கொண்டிருக்கிறது. குறிப்பாக பொங்கல் ரிலீஸுக்கு பிறகு ரசிகர்கள் கூட்டத்திற்காக காத்துக் கிடந்த தமிழக திரையரங்குகளுக்கு கோடையில் பெய்த மழையாக இந்த படம் மாறி உள்ளது.

இந்த படம் மலையாளத்தில் வெளியாவதற்கு சில வாரங்களுக்கு முன்பு 'பிரேமலு' என்கிற படம் வெளியானது. காதல் கதையாக அதேசமயம் வித்தியாசமான கோணத்தில் உருவாகி இருந்த இந்த படம் மலையாளத்தில் மிகப்பெரிய வெற்றியை பெற்றது. சமீபத்தில் 100 கோடி வசூல் கிளப்பிலும் இணைந்துள்ளது. இதைத்தொடர்ந்து தெலுங்கில் மொழிமாற்றம் செய்யப்பட்டு இயக்குனர் ராஜமௌலியின் மகன் கார்த்திகேயா மூலமாக கடந்த வாரம் தெலுங்கிலும் ரிலீஸ் செய்யப்பட்டது.

அங்கேயும் இந்த படத்திற்கு வரவேற்பு கிடைத்து வரும் நிலையில் தமிழிலும் இந்த படத்தை மொழிமாற்றம் செய்து வெளியிட ஏற்பாடுகள் நடந்து வருகின்றனவாம். வரும் தமிழ் புத்தாண்டிற்கு தான் தமிழில் பெரிய படங்கள் வெளியாகலாம் என்கிற நிலையில் 'பிரேமலு' படம் இந்த சமயத்தில் தமிழகத்தில் வெளியாகும்போது மலையாளம் மற்றும் தெலுங்கில் பெற்ற அதே வரவேற்பையும் வசூலையும் பெறும் என்கிற திட்டத்துடன் தான் இந்த படத்தை விரைவில் ரிலீஸ் செய்ய இருக்கிறார்களாம்.

• செய்திகள்
• வந்த படங்கள்
• வரவிருக்கும் படங்கள்

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா?
• 
  மீண்டும் காப்பி சர்ச்சையில் சிக்கிய அனிருத்!
• 
  வேள்பாரி நாவல்: ஷங்கருக்கு எதிராக வெளியான ட்ரோல்கள்!
• 
  விஜய் சேதுபதி படத்தில் வில்லி வேடத்தில் தபு!
• 
  ஐபிஎல் போட்டி நேரத்திற்கு இணையாக ‛பாகுபலி தி எபிக்' ரன்னிங் டைம்