எனது மூன்று கனவுகளை நிறைவேற்றிய கேப்டன் மில்லர்: நிவேதிதா மகிழ்ச்சி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

05 ஜன, 2024 - 07:12 IST

எழுத்தின் அளவு:

Capt.-Miller-who-fulfilled-my-three-dreams:-Nivedita-Joy

தமிழ் சினிமாவில் வளர்ந்து வரும் இளம் நடிகை நிவேதிதா சதீஷ். மகளிர் மட்டும், வணக்கம், சில்லு கருப்பட்டி, இந்த நிலை மாறும், உடன்பிறப்பே உள்ளிட்ட படங்களில் நடித்தவர் தற்போது 'கேப்டன் மில்லர்' எனும் பெரிய பட்ஜெட் படத்தில் நடித்துள்ளார்.

இந்த படத்தில் நடித்திருப்பது குறித்து படத்தின் இசை வெளியீட்டு விழாவில் அவர் பேசியதாவது: இது எனக்கு ஒரு கனவு போல தோன்றுகிறது. வளர்ந்து வரும் நடிகையான எனக்கு இது மிகப்பெரிய மேடையாக இருக்கிறது. நான் நடிக்க வந்தபோது எனக்கு மூன்று பெரிய கனவுகள் இருந்தன. அதனை நான் எனது எல்லா நேர்காணல்களிலும் கூறி வந்திருக்கிறேன். முதல் கனவு பெரிய பட்ஜெட் படத்தில் நடிக்க வேண்டும். இரண்டாவது கனவு ஒரு பீரியட் பிலிமில் நடிக்க வேண்டும். மூன்றாவது கனவு தனுஷ் உடன் நடிக்க வேண்டும். எனது இந்த மூன்று கனவுகளையும் கேப்டன் மில்லர் நிறைவேற்றி தந்திருக்கிறார்.

இந்த படத்தில் அனைவருமே மிகவும் கஷ்டப்பட்டு உழைத்தோம். தனுஷ் மற்றும் இயக்குனர் அருண் மாதேஸ்வரன் பட்ட கஷ்டங்களை விட நாங்கள் பட்ட கஷ்டம் மிகவும் குறைவானது. எல்லோருக்கும் பிடிக்கும் வகையில் மிகப் பிரமாண்டமாக இந்த படத்தை உருவாக்கியுள்ளோம். நிச்சயம் இந்த படம் மிகப்பெரிய வெற்றி பெறும். மிகப்பெரிய திருப்பம் தரும் படமாக இது அமையும் என்று நம்புகிறேன் என்றார்.

NivedhithaaSathish

கருத்துகள் (0) கருத்தைப் பதிவு செய்ய

சமந்தா மாதிரி வரணும் : பவ்யா த்ரிகா ...

கேப்டன் மில்லர் : வெளிநாட்டு உரிமையை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய