Dinamalar

'வாரிசு' வெளியான வருடத்தில் இயக்குனராகும் விஜய் மகன் ஜேசன் சஞ்சய்

தமிழ் சினிமாவில் நிறைய வாரிசு நடிகர்கள், நடிகைகள் இருக்கிறார்கள். ஆனால் நடிகர்களின் வாரிசு இயக்குனர்கள் என நடிகர் ரஜினிகாந்த்தின் மகள்களாக ஐஸ்வர்யா, சவுந்தர்யா ஆகியோர் மட்டுமே இருக்கிறார்கள். “3, வை ராஜா வை” ஆகிய படங்களுக்குப் பிறகு தற்போது 'லால் சலாம்' படத்தை இயக்கி வருகிறார் ஐஸ்வர்யா. 'கோச்சடையான்' படத்தை இயக்கினார் சவுந்தர்யா. அவர்கள் இருவருக்குப் பிறகு வாரிசு இயக்குனராக வந்துள்ளார் விஜய்யின் மகன் ஜேசன் சஞ்சய்.

2023ம் ஆண்டு பொங்கலுக்கு விஜய் நடித்து வெளிவந்த படம் 'வாரிசு'. அப்படி ஒரு தலைப்பில் விஜய்யின் படம் வெளிவந்த ஆண்டில் அவரது மகன் ஜேசன் சஞ்சய் இயக்குனராக அறிமுகமாகிறார் என்ற அறிவிப்பு பொருத்தமாக வெளியாகி உள்ளது. தயாரிப்பாளர்களின் வாரிசுகள், இயக்குனர்களின் வாரிசுகள், நடிகர்களின் வாரிசுகள், நடிகைகளின் வாரிசுகள், மற்ற தொழில்நுட்பக் கலைஞர்களின் வாரிசுகள் என தமிழ் சினிமாவில் 'வாரிசுகள்' பட்டியலை எடுத்தால் அது ஒரு நீண்ட பட்டியலாக இருக்கும்.

என்னதான் வாரிசு என்றாலும் திறமை இருந்தால் மட்டுமே இங்கு வெற்றி பெற முடியும். சிலரது வெற்றியை வைத்தும், பலரது தோல்வியை வைத்தும் அதைக் கணக்கிடலாம். விஜய்யின் மகன் ஜேசன் சஞ்சய் அப்பாவைப் போல நடிகராக அறிமுகமாகாமல், தாத்தாவைப் போல இயக்குனராக வருவது ஆச்சரியமான ஒன்று. ஆனாலும், அவரை படம் இயக்க வைப்பதைவிட நடிக்க வைக்கவே பல தயாரிப்பாளர்கள் எதிர்காலத்தில் முயற்சிப்பார்கள். அப்படி ஒரு நிலை வரும்போது சஞ்சய் என்ன முடிவெடுப்பார் என பொறுத்திருந்து பார்க்க வேண்டும்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1