Dinamalar

ஹிந்தியிலும் அறிமுகமாகப் போகும் சிவகார்த்திகேயன்

தமிழ்த் தொலைக்காட்சியில் நகைச்சுவை நிகழ்ச்சி ஒன்றில் போட்டியாளராக நுழைந்து பின்னர் அதே டிவியில் நிகழ்ச்சித் தொகுப்பாளராக உயர்ந்து, பத்து வருடங்களுக்கு முன்பு 2012ல் வெளிவந்த 'மெரினா' படம் மூலம் கதாநாயகனாகவும் அறிமுகமானவர் சிவகார்த்திகேயன். தனது திறமையாலும் ரசிக்கத்தக்க விதத்தில் படங்களைத் தேர்வு செய்ததாலும் குறுகிய காலத்திலேயே முன்னணி நடிகர்களில் ஒருவராக மாறியவர் சிவகார்த்திகேயன்.

தற்போது அவர் கதாநாயகனாக நடித்து அடுத்த வாரம் வெளியாக உள்ள 'மாவீரன்' படம் தெலுங்கிலும் அதே நாளில் 'மகாவீருடு' என்ற பெயரில் வெளியாக உள்ளது. அப்படத்திற்கான வெளியீட்டிற்கு முந்தைய நிகழ்ச்சி நேற்று ஐதராபாத்தில் நடைபெற்றது.

இயக்குனர் மடோன் அஷ்வின், சிவகார்த்திகேயன், அதிதி, சரிதா, தெலுங்கு இயக்குனர்களான சேகர் கம்முலா, அனுதீப், அட்வி சேஷ் உள்ளிட்டவர்கள் அந்த நிகழ்வில் கலந்து கொண்டு சிறப்பித்தனர். நிகழ்ச்சியில் பேசிய அட்வி சேஷ், “பெரிய மனது கொண்ட பெரிய நட்சத்திரம். விரைவில் ஹிந்தியில் அறிமுகமாக உள்ளார்,” எனப் பேசிவிட்டு சிவகார்த்திகேயன் பக்கம் திரும்பி, “சாரி சார், இந்த செய்தியை பிரேக் செய்துவிட்டேன்,” என்றார்.

விரைவில் இதற்கான அறிவிப்பு வெளியாகலாம் எனத் தெரிகிறது.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா?
• 
  மீண்டும் காப்பி சர்ச்சையில் சிக்கிய அனிருத்!
• 
  வேள்பாரி நாவல்: ஷங்கருக்கு எதிராக வெளியான ட்ரோல்கள்!
• 
  விஜய் சேதுபதி படத்தில் வில்லி வேடத்தில் தபு!
• 
  ஐபிஎல் போட்டி நேரத்திற்கு இணையாக ‛பாகுபலி தி எபிக்' ரன்னிங் டைம்