மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
கடந்த சில நாட்களாக பர்ஹானா படத்திற்கு கிளம்பிய எதிர்ப்பு, நடிகை ராஷ்மிகா குறித்த கருத்துக்கு விளக்கம் என பரபரப்பான செய்திகளில் தொடர்ந்து இடம் பிடித்து வருகிறார் நடிகை ஐஸ்வர்யா ராஜேஷ். இது ஒரு பக்கம் இருக்க ஐஸ்வர்யா ராஜேஷ் மலையாளத்தில் நடித்துள்ள அஜயண்டே ரெண்டாம் மோசனம் (ஏ.ஆர்.எம்) என்கிற படத்தின் டீசர் தற்போது வெளியாகி உள்ளது. படத்தின் நாயகன் டொவினோ தாமஸ் இதில் மூன்று வேடங்களில் நடித்துள்ளார். இந்த படத்தில் கீர்த்தி ஷெட்டி, ஐஸ்வர்யா ராஜேஷ் ஆகியோர் கதாநாயகிகளாக நடிக்கின்றனர்.
ஜித்தின்லால் என்பவர் இயக்கிவரும் இந்தப்படம் மூன்று வித காலகட்டங்களில் நிகழும் பீரியட் படமாக இது உருவாகியுள்ளது. சமீபத்தில் ரசிகர்களுடன் சாட்டிங்கில் பேசிய ஐஸ்வர்யா ராஜேஷ் இந்த படம் குறித்து கூறும்போது, “இந்த படத்தில் எனது கதாபாத்திரம் சிறிது தான். என்றாலும் கதைக்கு ரொம்பவே முக்கியமானது. இந்த படத்தின் படப்பிடிப்பில் கலந்து கொண்டு நடித்த அனுபவம் வித்தியாசமாக இருந்தது. விரைவில் இந்த படத்தை பார்க்க ஆவலாக இருக்கிறேன்” என்று கூறியுள்ளார்.
இதற்கு முன்னதாக மலையாளத்தில் துல்கரின் ஜோமோண்டே சுவிசேஷங்கள், நிவின்பாலியின் சகாவு ஆகிய படங்களில் ஐஸ்வர்யா ராஜேஷ் நடித்திருந்தார் என்பது குறிப்பிடத்தக்கது.